اسلام آباد (مانیٹرنگ ڈیسک) وزیرخزانہ اسحاق ڈار کے بیٹے علی ڈار نے کہا فہے کہ اسحاق ڈار پر ٹیک چوری کا الزام غلط ہے ، وہ 2002سے2008تک ٹیکس نان ریذیڈنٹ تھے کیونکہ وہ یواے ای میں تھے، مارچ 2008میں انہوں نے یو اے ای میں تمام عہدوں سے استعفیٰ دیدیاتھا، ہم دونوں بھائی کاروبار میں کلی طور پر خود مختار ہیں، نجی ٹی وی سے خصوصی گفتگو کرتے ہوئے علی ڈار نے کہا کہ عمران خان کو ڈویلپر اور مالک میں فرق معلوم نہیں ہے ، ہم ٹاورز کے مالک نہیں بلکہ ڈویلپر ہیں، ہم ڈویلپمنٹ کے ساتھ ساتھ ٹریڈنگ بھی کرتے ہیں، ہم نے تھرڈ پارٹی کے طور پر 52ولاز کو بک کیا اور ساتھ ساتھ ہی بیچنا شروع کردیا، 2008کے آخر تک تمام ولاز بک چکے تھے ، ہم دونوں بھائی آف شور کمپنی کے شیئرہولڈر اور ڈائریکٹر ہیں، اسحاق ڈار کمپنی کے ڈائریکٹر نہیں ہیں ، میں نے گریجویشن کی تو والد نے مجھے 35،30ملین درہم ابتدائی سرمایہ فراہم کیا ، بعدازاں وہ گفٹ بھی جو دیتے رہے سب کچھ ڈکلیئر ہے ، ہم نے کاروبار سے ہی انہیں آہستہ آہستہ وہ قرض واپس کردیا ، ہمارا سارا کاروبار آڈٹ ہوتا ہے ، عمران خان کو دو سال قبل بھی قانونی نوٹس بھجوایاتھا جس کا جواب نہیں دیا گیا، اور تاریخ پر تاریخ دلواتے رہتے ہیں، اب تازہ الزامات پر بھی عمران خان کے خلاف عدالت میں جائیں گے، ہم نے رفاعی ادارے عوام کی خدمت کیلئے بنائے ان کے ذریعے ٹیکس چوری نہیں کی ۔
