لاہور (خصوصی رپورٹ) ارکان اسمبلی کا فون نہ اٹھانے اور کال بیک نہ کرنے والے افسروں کیخلاف کارروائی کا فیصلہ کرلیا گیا۔ کیبنٹ ونگ نے نوٹیفکیشن جاری کرکے تمام افسروں کو خبردار کردیا۔ ذرائع کے مطابق ارکان اسمبلی نے وزیراعلیٰ سے شکایات کی تھی کہ بیوروکریٹس ان کے فون ہی نہیں اٹھاتے‘ جس کی وجہ سے مسائل حل نہیں ہوپاتے۔ کیبنٹ ونگ نے بیوروکریسی کو خبردار کیا کہ سرکاری محکموں کے افسر ارکان اسمبلی کا فون اٹھائیں یا پھر انہیں کال بیک کریں بصورت دیگر کارروائی ہوگی۔