ڈگری (خصوصی رپورٹ) سندھ کے علاقہ ڈگری کے قریب ٹنڈو جان محمد تھانے کی حدود موضع 188میں غیرقانونی جرگے نے 12سالہ بچی کا 47سالہ شخص سے نکاح کر دیا۔ واقعے کی اطلاع پر ایس ایس پی میرپور خاص نے فوری نوٹس لیا اور شاہدہ کلوئی نامی بچی کو بازیاب کرا لیا جبکہ 47سالہ دولہا غلام مصطفی کلوئی اور نکاح خواں میر آصف تالپور کو گرفتار کر لیا۔ نکاح خواں میر آصف تالپور نے بتایا کہ ابراہیم کلوئی نے غلط بیانی کی اور مجھے لڑکی کی عمر نہیں بتائی‘ میں تو مدرسے کیلئے کھال کا کہنے گیا تھا‘ مجھے نکاح پڑھانے کیلئے بٹھا لیا‘ میں نے زبانی نکاح پڑھوایا۔
