لاہور(صباح نیوز) گلوکار جواد احمد نے اپنی سیاسی جماعت بنانے کا اعلان کر دیا ہے آج اپنی نئی جماعت الیکشن کمیشن میں رجسٹریشن کروائیں گے۔تفصیلات کے مطابق گلوکار عطا اللہ عیسی خیلوی، ابرار الحق، اداکار مصطفے قریشی، کنول نعمان، میزبان خوش بخت شجاعت اور دوسرے کئی فنکاروں کے بعد اب گلوکار جواد احمد نے بھی سیاست کا راستہ اختیار کر لیا ہے۔ گلوکار کا اس حوالے سے کہنا تھا کہ ان کا مقصد عوام کے لئے برابری کی بنیاد پر حقوق کی جد و جہد کرنا ہے تاکہ سب کو برابری کی بنیاد پر تعلیم، صحت اور روزگار ملے۔
