شیخوپورہ (بیوررپورٹ)تھانہ صفدر آباد کے علاقہ وائیانوالی میں بااثر چوہدری کی ظالم پھولن دیوی چوہدرانی نے کام چھوڑ کر روٹی کا تقاضا کرنےوالے اپنے کم سن 13 سالہ ملازم عرفان کا دایاں ہاتھ چارہ کاٹنے والے ٹوکہ میں دے کر کاٹ دیا جس سے اس ملازم کی حالت غیر ہو گئی جس کو اس کے ورثا نے فوری طور پر ہسپتال پہنچایا جہاں علاج معالجہ جاری ہے، پولیس نے معاملہ میڈیا پر آنے کے بعد پھولن دیوی کے خلاف مقدمہ درج کر لیابتایا گیا ہے کہ مذکورہ گاﺅں کا محنت کش فلک شیر کا 13 سالہ بیٹا عرفان زمیندار بشارت علی کی حویلی میں اس کے مویشیوں کی دیکھ بھال اور چارہ دینے کا کام کر رہا تھا۔ گزشتہ روز محمد عرفان نے جانور وں کو چارہ ڈالنے سے قبل زمیندار کی بیوی ملزمہ پھولن دیوی شفقت بی بی سے کھانا مانگا تو وہ اشتعال میں آ گئی اور اس نے جانوروں کو چارہ نہ ڈالنے پر ملازم عرفان کا ہاتھ چارہ کاٹنے والی مشین میں ڈال دیا جس سے اس کا دایاں ہاتھ کٹ گیا۔ اس واقعہ پر مضروب لڑکے کے والدین نے مذکورہ چوہدری زمیندار فلک شیر کے گھر جا کر احتجاج کیا تو چوہدری نے اپنے دیگر ملازمین کی مدد سے ان پر تشدد کر کے گھر سے نکال دیا۔ مظلوم خاندان بیٹے کو لے کے ہسپتال گئے تو وہاں بھی ڈاکٹر نے اس کا علاج کرنے کی بجائے پولیس کیس قرار دے کر ہسپتال سے نکال دیا۔ جس کے بعد مظلوم خاندان انصاف کے حصول کیلئے تھانہ صفدرآباد میں پہنچے تو پولیس نے بھی روائتی بے حسی کا مظاہرہ کرتے ہوئے نہ تو مقدمہ درج کیا اور نہ ہی میڈیکل کے لئے رپٹ جاری کی ۔ بعد ازاں یہ خاندان انصاف کیلئے عدالت پہنچ گیا جہاں مظلوم خاندان نے عدالت کے سامنے ساری داستان جرم رو رو کر سنا دی۔ عدالت کے حکم پر پولیس نے مقدمہ درج کر لیا مگر تا حال کوئی ملزم گرفتار نہیں ہوا ۔ مظلوم کے والد محمد بشارت علی اور والدہ جنت بی بی نے وزیر اعلی پنجاب میاں شہباز شریف سے مطالبہ کیا ہے کہ وہ بااثر ملزمان کو گرفتار کر کے ان کے خلاف قانون کے مطابق کاروائی عمل میں لائی جائے۔
