اسلام آباد(صباح نیوز)پاکستان تحریک انصاف پانامہ لیکس کی تحقیقات کرنے والی جے آئی ٹی کی کارروائی اوپن کرنے کا مطالبہ کردیا ہے ،تحریک انصاف کی مرکزی قیادت کا کہنا تھا کہ پانامہ کیس پوری قوم کا مقدمہ ہے ، پانامہ مقدمے کی طرح جے آئی ٹی کی کارروائی میڈیا کے سامنے آگے بڑھائی جائے،ڈان لیکس کے حقیقی ذمہ داروں کو بچانے کی کوئی کوشش کامیاب نہیں ہونے دینگے،پاکستان تحریک انصاف کی مرکزی قیادت کا اہم اجلاس بنی گالا میںچیئرمین عمران خان کی صدارت میں ہوا،اجلاس میںپانامہ لیکس کی تحقیقات کرنے والی جے آئی ٹی کی کارروائی اوپن کرنے کا مطالبہ گیا،تحریک انصاف کی مرکزی قیادت کا کہنا تھا کہ پانامہ کیس پوری قوم کا مقدمہ ہے ، پانامہ مقدمے کی طرح جے آئی ٹی کی کارروائی میڈیا کے سامنے آگے بڑھائی جائے، انہوں نے مطالبہ کیا کہ حکومت ڈان لیکس کی رپورٹ پر سیاست کی بجائے فوری منظر عام پر لائے، ڈان لیکس کے حقیقی ذمہ داروں کو بچانے کی کوئی کوشش کامیاب نہیں ہونے دینگے، اجلاس میں نواز شریف کی جانب سے اسامہ بن لادن سے رقوم کی وصولی پر مفصل بریفنگ دی گئی جبکہ تحریک انصاف کی قانونی ٹیم نے اصغر خان کیس پر عملدرآمد کیلئے تیار کردہ درخواست پر بھی تفصیلی قیادت کو بریفنگ دی،تحریک انصاف کی قیادت کی جانب سے ملک بھر میں بجلی کی طویل بند ش کی شدید الفاظ میں مذمت کی گئی ،قائدین کا کہنا تھا کہ حمزہ شہباز کے بعد وزیراعظم کا کرپشن کے دفاع میں بیان شریف خاندان کی ذہنیت کی عکاسی کرتا ہے، شریف خاندان پاکستان سے کرپشن ختم کرنے کی بجائے خود کرپشن سے بھرپور فائدہ اٹھاتا ہے۔