اسلام آباد(ویب ڈیسک) تحریک انصاف نے پاناما کیس کے فیصلے کے بعد یوم تشکرمنانے کا فیصلہ کیا ہے۔تفصیلات کے مطابق سپریم کورٹ کی جانب سے پاناما کیس کا محفوظ فیصلہ کل سنانے کے فیصلے کے بعد تحریک انصاف کی جانب سے جمعے کو یوم تشکرمنانے کا اعلان کیا گیا ہے۔ یوم تشکر کے لیے ملک بھر سے کارکنوں کو دعوت دی جائے گی۔ذرائع کے مطابق آج پی ٹی آئی چئیرمین عمران خان کی زیر صدارت اجلاس ہوگا جس میں یوم تشکرکے منانے کے حوالے سے مزید فیصلے کیے جائیں گے۔ اجلاس میں یوم تشکرپر اسلام آباد کے پریڈ گراو¿نڈ میں جلسے کی تجویز پربھی غورکیا جائے گا۔واضح رہے کہ سپریم کورٹ کی جانب سے پاناما کیس کا محفوظ فیصلہ کل 20 اپریل کو دوپہر2 بجے سنایا جائے گا۔