لاہور(کرائم رپورٹر) مناواں کے علقہ میں پولیس مقابلہ میں سانحہ مال روڈ کے مرکزی سہولت کار سمیت 10 دہشتگرد ہلاک ہو گئے۔ سی ٹی ڈی حکام کے مطابق رات گئے۔ سانحہ مال روڈ میں ملوث زیر حراست ملزموں کو اسلحہ و گولہ بارود کی برآمدگی کے لئے لیجایا جا رہا تھا کہ راستے میں چھپے دہشتگردوں نے اپنے ساتھیوں کو چھڑانے کیلئے حملہ کر دیا۔ سی ٹی ڈی کے مطابق جوابی کارروائی میں دہشتگرد اور ان کے ساتھی مارے گئے۔ مارے جانے والوں میں سانحہ مال روڈ کا مرکزی ملزم انور الحق بھی شامل تھا جبکہ دیگر مارے جانے والے دہشتگردوں میں سے چار کی شناخت امام شاہ، عبداﷲ، عطا الرحمان اور عرفان کے نام سے ہوئی ہے، سی ٹی ڈی حکام کے مطابق مقابلہ میں مارے جانے والے دہشتگردوں کا تعلق لعدم جماعت الاحرار سے ہے۔
