شارجہ(آئی این پی) ویسٹ انڈیز کے جوفرا آرچر کا کہناہے کہ سرفراز احمد میچ کے دوران اپنے اعصاب پر قابو رکھتے ہیں اور نوجوان کھلاڑیوں کو اپنی صلاحیت کا بھرپور موقع دیتے ہیں ۔ جوفرا آرچر کا کہناتھا کہ پی ایس ایل کھیلنے کا تجربہ شاندار رہا ہے ۔
انہوں نے کہا کہ یہاں کی کنڈیشنز آسٹریلیا سےتھوڑی مختلف ہیں ۔ آخری نمبروں تک جارحانہ بلے باز کی موجودگی کی وجہ سے بولنگ میں بہت زیادہ محنت کرنا پڑتی ہے۔جوفرا نے مزید کہا کہ سرفراز احمد کی کپتانی میں کوئٹہ اس سال بھی پی ایس ایل کا فائنل کھیلے گی اور انہوں نے امید کی کہ پچھلے دو سیزن کے رنر اپ رہنے والی ٹیم اس بار پی ایس ایل کا ٹائٹل اپنے نام کرے گی ۔
