لاہور (مانیٹرنگ ڈیسک) احسان ناز نے کہا ہے کہ گمان کیا جارہا تھا کہ چودھری نثار اپنی پریس کانفرنس میں کوئی بہت دھماکہ خیز بات کریں گے لیکن ایسا کچھ نہیں ہوا۔ شہبازشریف کا چودھری نثار کو فون کیا جس کے بعد جو سابق وزیرداخلہ کہنا چاہتے تھے نہ کہ سکے چینل ۵ کے پروگرام لائیو ایٹ 8میں گفتگو کرتے ہوئے انہوں نے کہا کہ پریس کانفرنس میں ڈان لیکس پر بھی بات نہیں کی میں سمجھتا ہوں عوام کو بے وقوف بنایا جارہا ہے۔ ہر سیاستدان کہتا ہے اس کے پاس بتانے کو بہت کچھ ہے۔ تجزیہ کار اقبال شاہد نے کہا ہے کہ 68ایم این ایز ہیں جن سے نوازشریف کبھی ملے ہی نہیں پانامہ کیس کے بعد پارلیمنٹ کے ارکان کی میٹنگ ہوتی جس میں نوازشریف کو کہا جاتا آپ پر یہ الزام ہیں لہذا آپ الزام کلیئر ہونے تک ہٹ جائیں لیکن ایسا نہیں ہوا۔ تجزیہ کار مکرم خان نے کہا کہ چودھری نثار نے کبھی اپنے ترپ کے تمام پتے نہیں کھیلے۔ وزارت عظمیٰ کا مضبوط امیدوار تصور کررہے تھے چودھری نثار کے زمینوں پر قبضے اور سیاسی مخالفت کے حوالے سے کچھ معاملات ہیں جس کے باعث وہ حکومت کے باہر یا اندر رہنے کا تاثر نہیں دینا چاہتے۔ مشرف کے باہر جانے کے حوالے سے مسلم لیگ ن کو منانے کا ٹاسک چودھری نثار کو دیا گیا تھا پرویز مشرف دور میں اگر کسی کا احتساب نہیں کیا گیا تو وہ چودھری نثار کا خاندان ہے چودھری نثار نے ن لیگ کے خلاف اس لئے بات نہیں کی کیونکہ ان کی سیاسی بقا اس میں ہے۔
