لاہور(کلچرل رپورٹر)اداکارہ حیاسہگل کی سرمد کھوسٹ کے ساتھ کام کرنے کی خواہش پوری ہوگئی۔ حیاسہگل نے کئی سال پہلے لاہور میں اپنے کیرئرکے آغازپر اس خواہش کا اظہارکیا تھا کہ وہ سرمد کھوسٹ کے ساتھ کام کرنا چاہتی ہیں لیکن بہت سی کوششوں کے باوجود وہ کامیاب نہ ہوسکیں لیکن حال ہی شروع ہونے والی ایک نئی ڈرامہ سیریل”استخارہ“کے ذریعے ان کی یہ خواہش پوری ہوگئی ہے کیونکہ انہیں سرمدکھوسٹ کے مقابل اہم کردار کرنے کا موقع ملا ہے ۔ ڈرامہ سیریل”استخارہ“کی ریکارڈنگ کراچی میں جاری ہے جس کی ایک اور خاص بات یہ بھی ہے کہ اس کے ذریعے ناظرین صنم بلوچ کو ایک بار پھر ڈراموں میں دیکھ سکیں گے جو کافی عرصے سے مارننگ شوکی وجہ سے اداکاری نہیں کررہی تھیں۔ اس سیریل کے ڈائریکٹرعابس رضاہیں۔اس بارے میںحیاسہگل کا کہنا ہے کہ سرمد کھوسٹ میرے فیورٹ اداکار ہیں جن کے ساتھ کام کرکے مجھے بہت خوشی ہوئی ہے ۔انہوں نے ایک سوال کے جواب میں بتایا کہ میں دواور ڈراموں میں بھی کام کررہی ہوں۔
