لاہور(کلچرل رپورٹر ) معروف کامیڈین عمر شریف کی طبیعت بہتر ہوگئی جس کے بعد انہیں گھر بھیج دیا گیا ہے ۔ عمرشریف کو تین روز قبل ایک پرائیویٹ ہسپتال میں داخل کرایا گیا تھا جہاں ان کے مختلف ٹیسٹ کئے گئے جن کے بعد ڈاکٹرزنے ان کی حالت تسلی بخش قراردی ۔ذرائع نے بتایا ہے کہ عمرشریف چندروزقبل اپنی فیملی سے ملنے کے لئے لاہور آئے جہاں ان کی طبیعت خراب ہوگئی۔معلوم ہوا ہے کہ انہیں چیسٹ انفیکشن کے ساتھ ساتھ یورک ایسڈ بڑھنے سے پاﺅں میں تکلیف زیادہ ہوگئی تھی جس کے بعد انہیں جوہرٹاﺅن کے ایک ہسپتال میں داخل کرایا گیا تھا۔ اس بارے میں عمر شریف کے بیٹے نے تصدیق کی ہے ان کی حالت بہت بہتر ہے اور کسی قسم کی پریشانی والی بات نہیں ہے۔
