اسلام آباد(ویب ڈیسک)قومی اسمبلی اجلاس کے دوران وفاقی وزراءکی عدم حاضری پر اسپیکر سردار ایاز صادق برہم ہو گئے۔جمعہ کو قومی اسمبلی اجلاس کے دوران وفاقی وزراءکی عدم حاضری پر اسپیکر سردار ایاز صادق برہم ہو گئے اور کہا کہ عام طور پر ایوان میں حکومت کے وزیر پارلیمانی امور شیخ آفتاب موجود ہوتے ہیں تاہم آج تو وہ بھی موجود نہیں ہیں۔اسپیکر قومی اسمبلی نے وفاقی وزیر قانون زاہد حامد کے ایوان میں نہ آنے پر ان کی سرزنش بھی کی اور کہا کہ یہ کوئی طریقہ نہیں کہ آپ ایوان میں نہ آئیں، اگر آپ سینیٹ میں تھے تو یہ عذر بھی قابل قبول نہیں ہو گا، سینٹ اور قومی اسمبلی میں ایک ہی دن سوالات نہ رکھوایا کریں۔
