سکھر(ویب ڈیسک )سرکاری ہسپتال میں سہولیات کے فقدان کے باعث خاتون نے رکشہ میں ہی بچے کو جنم دےدیا۔اطلاعات کے مطابق سکھر میں لکھی کی رہائشی خاتون کو زچگی کےلئے انور پراچہ ہسپتال لایا گیا۔ ہسپتال میں آکسیجن کی سہولت نہ ہونے کی وجہ سے انتظامیہ نے خاتون کو سول ہسپتال بھیج دیا۔ خاتون کی حالت خراب ہونے کے باوجود اسے ایمبولینس تک نہ مل سکی اور پھراسے رکشے میں سول ہسپتال لے جایا گیا تاہم خاتون نے بچے کو راستے میں ہی رکشہ میں ہی جنم دے دیا۔واضح رہے کہ کچھ ماہ قبل شکارپور میں خاتون نے بستر نہ ملنے پرسرکاری ہسپتال کے صحن میں ہی بچے کو جنم دے دیا۔