پشاور (مانیٹرنگ ڈیسک) پاکستان مسلم (ن) نے خیبر پختونخوا میں تحریک انصاف کی حکومت کے خاتمے اور اِن ہاو¿س تبدیلی کیلئے سیاسی جوڑ توڑ شروع کر دیا ہے۔ میڈیا رپورٹس کے مطابق لیگی قیادت کا کہنا ہے کہ 2013ء کے انتخابات کے بعد بہت سی جماعتوں نے پختونخوا میں مخلوط حکومت کیلئے درخواستیں کیں، لیکن پارٹی نے یہ فیصلہ نہیں کیا۔ رپورٹس کے مطابق اب فیصلہ کیا گیا ہے کہ کے پی اسمبلی میں اِن ہاو¿س تبدیلی لانے کا وقت آ گیا ہے۔پاکستان مسلم لیگ (ن) کے صوبائی صدر امیر مقام کا ایک میٹنگ کے دوران رہنماو¿ں سے کہنا تھا کہ ہم خیبر پختونخوا میں اپنی حکومت بنا سکتے ہیں تھے لیکن ہم نے تحریک انصاف کی عزت کرتے ہوئے انھیں حکومت بنانے کا موقع فراہم کیا، تاہم اب اسمبلی اراکین ایک مرتبہ پھر اِن ہاو¿س تبدیلی کیلئے متحد ہو چکے ہیں۔ امیر مقام کا کہنا تھا کہ 28 جولائی کا فیصلہ اس بات کا ثبوت ہے کہ میاں محمد نواز شریف پر کرپشن کا کوئی جرم نہیں اور صرف عوام ہی ملک کے منتخب وزیر اعظم کو نااہل کرنے کا حق رکھتے ہیں۔
