لاہور: (ویب ڈیسک) لاہور کی احتساب عدالت نے شہباز شریف کے بیٹے سلمان شہباز کی جائیدادیں ضبط کرنے کا حکم دے دیا۔ عدالت نے کہا سلمان شہباز کی جائیدادیں ضبط کر کے ایک ماہ میں رپورٹ دی جائے۔جج امیر محمد خان نے نیب پراسیکیوٹر کی درخواست پر حکم جاری کیا۔ نیب پراسیکیوٹر حافظ اسد اللہ اعوان نے دلائل دیئے اور کہا منی لانڈرنگ کیس میں سلمان شہباز کو بار بار طلبی کے نوٹس جاری کیے، سلمان شہباز نے نیب انویسٹی گیشن جوائن نہیں کی۔