لاہور(نیوز رپورٹر)ملکہ ترنم نورجہان کے پوتوں اور نواسوں کے درمیان شاہ نور سٹوڈیوکی پراپرٹی کے حصول کے لئے جنگ شروع ، نورجہان کی بیٹی ظل ھما کے بیٹوں اداکارہ احمد بٹ اور مصطفی بٹ کی جانب سے شاہ نور سٹوڈیو میں اپنی والدہ کا حصہ حاصل کرنے کے لئے سول جج نوید انجم کی عدالت میں دعوی دائر کر دیا ہے۔
گزشتہ روز احمد بٹ کے وکیل صفائی عرفان صادق نے اپنے ابتدائی دلائل دیے جس پر عدالت نے فریقین کو طلبی کے نوٹسز جاری کر دیے ہیں۔ ظلئ ھما کے بیٹوں احمد بٹ اور مصطفی بٹ کی جانب سے دائر دعوی میں موقف اختیار کیا گیا ہے
کہ ہماری نانی نورجہان کی شاہ نور سٹوڈیومیں واقع پراپرٹی پر ماموں اصغر کے بیٹے قابض ہیں اس پراپرٹی میں ہماری والدہ ظل ھما کا بھی حصہ ہے استدعا ہے کہ ہماری والدہ کا حصہ دلایا جائے۔عدالت نے ابتدائی سماعت کرتے ہوئے فریقین کو طلبی کا نوٹس جاری کر دیا ہے۔
