کراچی (ویب ڈیسک ) کوک سٹوڈیو کے گانے آفریں آفریں سے شہرت پانے والی گلوکارہ مومنہ مستحسن کے بھائی ہاشم مستحسن شادی کے بندھن میں بندھ گئے ہیں۔ہاشم مستحسن کی شادی کی رسومات کراچی میں ہوئیں جن میں اہلخانہ اور عزیز و اقارب سمیت شوبز سے تعلق رکھنے والی شخصیات نے بھی شرکت کی۔ ہاشم مستحسن نے اپنی زندگی کے نئے سفر میں فریال قریشی کو اپنا جیون ساتھی چنا ہے اور دونوں کی تصاویر سوشل میڈیا پر خوب پسند کی جارہی ہیں۔ اس شادی کے حوالے سے انسٹاگرام پر ہاشم کی فیری ٹیل (#Hashimkifaritale) کے نام سے ہیش ٹیگ بھی بنایا گیا ہے جس پر شادی کی مختلف رسومات کی تصاویر اور ویڈیوز شیئر کی جارہی ہیں۔
زیر نظر تصویر میں ہاشم مستحسن اپنی نئی نویلی زوجہ کو غالب کی شاعری کے ذریعے لبھانے کی کوشش کر رہے ہیں۔