پاکستان انٹرٹینمنٹ انڈسٹری کے معروف اداکار اور کامیڈین سردار کمال انتقال کر گئے۔
معروف کامیڈین و اداکار سردار کمال کا انتقال دل کا دورہ پڑنے سے ہوا جبکہ ان کی عمر 52 برس تھی۔
اداکار سردار کمال نے 30 سے زائد فلموں میں بطور کامیڈین کام کیا اور ان گنت تھیٹر ڈراموں میں کام کر کے مسکراہٹیں بکھیریں۔
سردار کمال کا شمار پاکستانی انڈسٹری کے سینئر اداکاروں میں ہوتا تھا اور وہ فیصل آباد سے تعلق رکھتے تھے۔
