پنجاب میں سینیٹ انتخابات کے لیے امیدواروں کے کاغذات نامزدگی منظور یا مسترد ہونے کے خلاف اپیلٹ ٹربیونل نے اپیلوں پر فیصلے سنا دیے۔ زلفی بخاری کے کاغذات نامزدگی مسترد ہونے کا فیصلہ برقرار جبکہ پی ٹی آئی کارکن صنم جاوید کے کاغذات نامزدگی منظور کرلیے گئے۔
اپیلٹ ٹربیونل لاہور ہائیکورٹ کے جسٹس شاہد بلال حسن نے اپیلوں پر محفوظ فیصلے سنائے۔
اپیلٹ ٹریبونل نے ڈاکٹر یاسمین راشد کے کاغذات نامزدگی کی منظور کا فیصلہ برقرار رکھا جبکہ مسلم لیگ ن کے شہباز کھوکھر کے اعتراضات مسترد کردیے۔
اس کے علاوہ دیگر فیصلوں میں اپیلٹ ٹربیونل نے خواجہ حبیب الرحمان کے کاغذات نامزدگی مسترد کرنے کے خلاف اپیل خارج کر دی۔ عدالت نے ریٹرنگ آفیسر کے فیصلے کو برقرار رکھا۔
لیگی رہنما خواجہ حبیب الرحمان نے سینٹ کے کاغذات نامزدگی مسترد کے خلاف اپیل دائر کی تھی۔
ایلیٹ ٹربیونل لاہور ہائیکورٹ نے زلفی بخاری کی کاغذات نامزدگی مسترد ہونے کے خلاف اپیل خارج کر دی۔
جسٹس شاہد بلال حسن نے محفوظ فیصلہ سناتے ہوئے زلفی بخاری کے کاغذات نامزدگی مسترد ہونے کے فیصلے کو بھی برقرار رکھا۔
الیکشن ٹربیونل نے صنم جاوید کے کاغذات مسترد کرنے کا فیصلہ کالعدم قرار دے کر صنم جاوید کو سینیٹ الیکشن میں حصہ لینے کی اجازت دے دی ۔
یاد رہے کہ سینیٹ الیکشن کے لیے 2 اپریل کو پنجاب اسمبلی لاہور میں پولنگ ہوگی۔
الیکشن کمیشن نے سینیٹ کی نشست کیلئے زلفی بخاری کے کاغذات نامزدگی مسترد کیے تھے۔
’گورنر نے جو اجلاس بلایا وہ غیر قانونی ہے‘، فیصل جاوید، اعظم سواتی
پشاور ہائیکورٹ کے باہر میڈیا سے گفتگو میں پی ٹی آئی سینیٹر فیصل جاوید نے کہا کہ عدالتوں سے انصاف کی توقع ہے، ہمارے اوپر لگائے گئے اعتراضات بے بنیاد ہیں، ہمارے سب ساتھی عدالت میں پیش ہو کر اعتراضات کا جواب دیں گے۔
پی ٹی آئی رہنماء اعظم سواتی نے بھی پشاور ہائیکورٹ کے باہر میڈیا سے گفتگو میں کہا کہ امید ہے اپیلٹ ٹربیونل سے منظوری مل جائے گی، قانون اپنا راستہ ڈھونڈ لے گا، 18 سال سینیٹ کو لیڈ کرتا رہا، اب کہتے ہیں ٹیکنوکریٹ نہیں۔
انھوں نے کہا کہ خیبرپختونخوا اسمبلی اجلاس کا سینیٹ سے کوئی تعلق نہیں، گورنر نے جو اجلاس بلایا وہ غیر قانونی ہے، گورنر کو ایسا نہیں کرنا چاہئے تھا۔
ان کا کہنا تھا کہ پشاور ہائیکورٹ کے چیف جسٹس سے درخواست ہے مخصوص نشستوں سے متعلق کیس کا فیصلہ جاری کیا جائے، فیصلہ اگر ہمارے خلاف آیا بھی تو ہم سپریم کورٹ میں چیلنج کرنے کا حق رکھتے ہیں۔
