لاہور: (ویب ڈیسک) لاہور، کراچی اور کوئٹہ سمیت ملک بھر میں مرغی کا گوشت غریب کی پہنچ سے دور ہو گیا۔
لاہور میں ضلعی انتظامیہ سرکاری لسٹ پر عمل کرانے میں ناکام ہو گئی اور شہر میں مرغی کا گوشت 650 روپے کلو فروخت کیا جارہا ہے جبکہ انڈوں کی قیمت مزید بڑھ کر 289 روپے فی درجن ہو گئی ہے۔
دوسری جانب کراچی میں بھی مرغی کے گوشت کی قیمتیں ہر گزرتے دن کے ساتھ بڑھ رہی ہیں اور شہر میں مرغی کا گوشت کہیں 640 تو کہیں 660 روپے میں فروخت کیا جارہا ہے جبکہ انڈے فی درجن 300 روپے تک جا پہنچے ہیں۔
اس کے علاوہ کوئٹہ میں بھی مرغی کے گوشت کی فی کلو قیمت 650 روپے برقرار ہے جبکہ گزشتہ روز مرغی کے گوشت کی فی کلو قیمت میں 30 روپےکااضافہ ہوا تھا۔
