عالمی مارکیٹ میں کمی، ملک میں سونے کی قیمت میں آج پھر اضافہ

کراچی: (ویب ڈیسک) عالمی مارکیٹ میں سونے کی قیمت میں کمی کے باوجود پاکستان میں قیمت آج پھر مزید بڑھ گئی۔
عالمی مارکیٹ میں سونے کی فی اونس قیمت 3 ڈالرز کم ہوئی جس کے بعد نئی قیمت 1797 ڈالرز فی اونس کی سطح پر آ گئی جبکہ مقامی سطح پر سونے کی قیمت میں آج پھر اضافہ ریکارڈ کیا گیا۔
مقامی مارکیٹ میں فی تولہ سونا 200 روپے اضافہ سے 1 لاکھ 67 ہزار 300 روپے اور دس گرام سونے کی قیمت 171 روپے اضافہ سے 1 لاکھ 43 ہزار 432 روپے کی بلند ترین سطح پر پہنچ گئی۔
دوسری جانب سونے کی قیمت میں اضافے کے باوجود چاندی کی فی تولہ قیمت 1890روپے کی سطح پر برقرار رہی۔