اسلام آباد: (ویب ڈیسک) پاکستان پیپلزپارٹی کے چیئر مین بلاول بھٹو زرداری اور پاکستان مسلم لیگ ن کے صدر میاں محمد شہباز شریف نے کہا ہے کہ عدم اعتماد کا سامنا کرنے کے بجائے حکومت کے تاخیری حربے ناقابل برداشت ہیں۔
پاکستان پیپلزپارٹی کے چیئرمین اور شہباز شریف کے درمیان ٹیلی فونک رابطہ ہوا، دونوں رہنماؤں کے درمیان ملکی سیاسی صورت حال پر تبادلہ خیال کیا گیا۔
ملاقات کے دوران شہباز شریف اور بلاول بھٹو زرداری نے اتفاق کیا کہ وزیراعظم عمران خان کے خلاف تحریک عدم اعتماد کا سامنا کرنے کے بجائے پی ٹی آئی حکومت کے تاخیری حربے ناقابل برداشت ہیں۔
پی پی چیئر مین اور لیگی صدر نے اتفاق کیا کہ اپوزیشن جماعتیں عوام کے خلاف عمران خان کے معاشی جرائم پر انہیں کسی صورت معاف نہیں کریں گی، عمران خان اور ان کے حواریوں کو بھاگنے نہیں دیں گے۔
