اسلام آباد / کراچی: حکومت نے کے الیکٹرک کا ٹیرف ایک روپے9 پیسے سے 2 روپے 89 پیسے بڑھا دیا۔
ایکسپریس نیوزکے مطابق کراچی کے بجلی صارفین کیلئے بری خبر ہے کہ حکومت نے کے الیکٹرک کا ٹیرف بڑھا دیا، اس حوالے سے پاور ڈویژن نے نوٹفیکیشن بھی جاری کر دیا ہے۔
نوٹیفکیشن کے تحت کے الیکٹرک کے ٹیرف میں 1 روپیہ 9 پیسے سے 2 روپے 89 پیسے فی یونٹ اضافہ کیا گیا ہے، جس کے بعد کے الیکٹرک کا ٹیرف دیگر بجلی کمپنیوں کے برابر ہو گیا، کے الیکٹرک کی جانب سے بجلی مہنگی کرنے کا اطلاق یکم ستمبر 2020ٗ سے ہوگا۔