مسجد نبوی میں روضہ اطہر کو دو ہفتوں کے بعد عوام کے لیے کھول دیا جائے گا ۔
مسجد نبوی کی انتظامیہ کے مطابق 17 اکتوبر کو زائرین روضہ اطہر میں نماز ادا کرسکیں گے۔ روضہ اطہر میں نماز کی ادائیگی اور زیارت کے لیے ’اعتمرنا‘ ایپ سے اجازت نامہ حاصل کرنا ہوگا۔
مسجد نبوی کی انتظامیہ کا کہنا ہے کہ زائرین تمام حفاظتی تدابیر سمیت سماجی فاصلے اور ہدایات پر عمل کے پابند ہوں گے۔ روضہ اطہر میں گنجائش کے حساب سے 75 فیصد لوگوں کو داخلے کی اجازت ہوگی۔
انتظامیہ کا کہنا ہے کہ وزارت حج وعمرہ نے ’اعتمرنا‘ ایپ جاری کردی ہے جسے ڈاؤن لوڈ کرکے عمرہ یا روضہ اطہر میں نماز کے لیے اجازت نامہ حاصل کیا جاسکتا ہے۔
