ویب ڈیسک : زیر ریلوے شیخ رشید احمد نے کہا ہےکہ پاکستان اور سارا عالم اسلام کشمیریوں اور ہندوستان کے مسلمانوں کے ساتھ کھڑا ہے۔
وزیر ریلوے نےکہا کہ 5 اگست کو بھارت نے آرٹیکل اے 370 ختم کرکے کشمیریوں کا جینا حرام کردیا، ایودھیا کی بابری مسجد کورام مندر میں تبدیل کرنے کا فیصلہ کیا گیا۔
شیخ رشید نے کہا کہ پاکستان بابری مسجد کو رام مندر میں تبدیل کرنے کی پر زور مذمت کرتا ہے۔
انہوں نے کہا کہ آج بھارت ایک رام نگر بن گیا ہے، 30سال سے بابری مسجد کو مندر میں تبدیل کرنے کا سلسلہ جاری تھا، بھارت کے ہر ہندو سیاست دان نے بابری مسجد پر سیاست کی۔
شیخک رشید کا مزید کہناتھا کہ آج ہندوستان شری رام کے ہندو توا کا ملک بن گیا ہےجبکہ سیکولر ہندوستان جس میں آزادی، اُصول، مذہبی رواداری کی بات تھی، دم توڑ گیا ہے
