چنیوٹ (ویب ڈیسک)پنجاب پولیس کا ایک اور کارنامہ سامنے آگیا، چنیوٹ میں مطلوب ملزم نہ ملنے پر پولیس اہلکار اس کی بہن کے جہیز کا فرنیچر اٹھا کر لے گئے۔ ملزم حسن کے خلاف کھیل کے دوران جھگڑے پر مخالف لڑکے کے والدین نے تھانے میں شکایت درج کرائی تھی۔چنیوٹ پولیس نے ملزم کی عدم گرفتاری پر بہن کے جہیز کا فرنیچر قبضے میں لے کر تھانے منتقل کردیا۔چنیوٹ کے محلہ نور والا میں حسن اور ساجد کے درمیان ابلے ہوئے انڈوں پر جھگڑا ہوا تھا۔ ساجد کے والدین نے تھانہ میں حسن کیخلاف درخواست دی تھی۔حسن کی والدہ نے الزام لگایا کہ پولیس نے بیٹے کی گرفتاری کیلئے چھاپہ مارا تھا، بیٹے کی عدم موجودگی پر بیٹی کے جہیز کا سامان اٹھا کر لے گئی ہے۔ بیٹی کی اگلے ہفتے شادی ہے۔پولیس کا کہنا ہے کہ جہیز کا فرنیچر مالِ مقدمہ کے طور پر اٹھایا ہے ملزم حسن کے پیش ہونے پر سامان واپس کردیا جائے گا۔
