لاہور(شوبزڈیسک ) فلمسٹار ماہرہ خان لاہور کا دورہ کرکے کراچی واپس چلی گئیں ،وہ لاہور میں ایک کمپنی کا فوٹو شوٹ کرانے کیلئے آئی تھیں جسکااہتمام شالامار باغ میں کیا گیاتھا۔اس حوالے سے انہوں نے ایک ویڈیو سوشل میڈیا پراپ لوڈ کی ہے۔بتایاگیاہے کہ ماہرہ خان اگلے ماہ اپنی نئی فلم کی شوٹنگ میں حصہ لیں گی۔اداکارہ اس وقت پاکستانی سپر ایکٹریس کے طور پر جانی جاتی ہیں۔ فیشن شوز میں انہیں ڈیزائنرز شوسٹاپر کے طور پر بلاتے ہیں۔وہ واحد پاکستانی اداکارہ ہیں جنہوں نے بالی وڈ کنگ خان شاہ رخ کیساتھ فلم میں کام کیا اور شہرت کی بلندیوں کو چھوا۔
