لاہور(شوبزڈیسک)فلمسٹار لیلیٰ اور کامیڈین ساجن عباس آج سے گوجرانوالہ کے راکسی تھیٹر میں فل مزاحیہ اور میوزیکل ڈرامہ” حسن دیا کلیاں“ میں جلوہ گر ہونگے ۔اس کھیل کے پروڈیوسر افضل بٹ ہیں جبکہ آرگنائزر فہد علی جبکہ ڈائریکٹر اور رائٹر آغا ساجد ہیں۔پروڈیوسر افضل بٹ نے میڈیا سے گفتگو کرتے ہوئے بتایا کہ ان کا یہ کھیل مدتوں یاد رہے گا۔اس میں میں نے اداکارہ لیلیٰ اور ساجن عباس کو اکٹھے کر دیا ہے اور لیلیٰ کے گوجرانوالہ میں مداح ان کو برسوں سے دیکھنا چاہتے تھے جن کی فرمائش کو مدنظر بھی رکھا گیا ہے۔ اداکارہ لیلیٰ نے کہا کہ میں نے اپنے آئیٹم سانگز اور ڈرامہ کی ریہرسل کر لی ہے گوجرانوالہ کے مداح میری پرفارمنس کو مدتوں یاد رکھیں گے۔
