ممبئی (شوبزڈیسک) بالی ووڈ میں ان دنوں شادی کا سیزن عروج پر ہے، دپیکا پڈوکون اور رنویر سنگھ کی کی شادی کے بعد ابھی لوگوں کی نظریں دسمبر میں پریانکا چوپڑا اور نک جونس کی شادی پر لگی تھیں کہ بالی ووڈ کی ایک اور سٹار راکھی ساونت کی شادی کی تاریخ بھی مقرر ہوگئی ۔ بھارتی اخبار کے مطابق راکھی ساونت اور سوشل میڈیا پر اپنی ویڈیوز کے ذریعے مشہور دیپک کلال کی 31دسمبر کو شادی کے لئے تیاریاں مکمل کرلی گئی ہیں۔ شادی سے متعلق خبروں کی تصدیق کرتے ہوئے راکھی ساونت کا کہنا ہے کہ شادی رواں سال 31دسمبر کو لاس اینجلس میں ہوگی۔
جبکہ کچھ تقریبات بھارت میں ہوں گی۔بھارتی اداکارہ کا کہنا ہے کہ وہ بالی ووڈ سے سب کو دعوت دے رہی ہیں لیکن معلوم نہیں کون آئے گا کون نہیں؟ لیکن شاہ رخ خان، کرن جوہر اور کھلی نے شادی میں شرکت کی تصدیق کردی ہے۔
