اسلام آباد (آئی این پی) جوڈیشل کمیشن نے چیف جسٹس لاہور ہائیکورٹ منصور علی شاہ کو سپریم کورٹ کا جج بنانے کے سفارش کردی، جسٹس یاور علی کو چیف جسٹس لاہور ہائیکورٹ تعینات کرنے کی سفارش کی گئی ہے، سند ھ ہائیکورٹ میں 6ایڈیشنل ججز کو تعینات کرنے کی بھی سفارش کی گئی ہے، معاملہ حتمی منظوری کیلئے پارلیمان کمیٹی کو بھجوا دیا گیا ہے۔ جمعرات کو سپریم کورٹ کے چیف جسٹس ثاقب نثار کی زیر صدارت جوڈیشل کمیشن کا اجلاس ہوا۔ جوڈیشل کمیشن نے چیف جسٹس لاہور ہائیکورٹ کو سپریم کورٹ کا جج بنانے کی سفارش کردی ، جسٹس یاور علی کو چیف جسٹس لاہور ہائیکورٹ تعینات کرنے کی سفارش کی گئی ہے۔ اس کے علاوہ جوڈیشل کمیشن نے سندھ ہائیکورٹ میں 6ایڈیشنل جج لگانے کی بھی سفارش کی ہے۔ ایڈیشنل ججز میں 2ڈسٹرکٹ اینڈ سیشن جج اور 4وکلاءشامل ہیں۔ ڈسٹرکٹ اینڈ سیشن ججز میں عشرت علی شاہ اور کوثر سلطانہ شامل ہیں۔ جوڈیشل کمیٹی نے معاملہ حتمی منظوری کیلئے پارلیمان کمیٹی کو بھجوا دیا۔
