کرائسٹ چرچ (اے پی پی) نیوزی لینڈ نے ویسٹ انڈیز کو تیسرے اور آخری ایک روزہ بین الاقوامی کرکٹ میچ میں 66 سے ہرا کر ٹیسٹ کے بعد تین ون ڈے میچوں کی سیریز بھی کلین سویپ کرلی۔ میچ کا فیصلہ ڈک ورتھ لوئس سسٹم کے تحت ہوا، میچ کے دوران بارش کے باعث میچ 23,23 اوورز تک محدود کر دیا گیا تاہم 23 اوورز میں ویسٹ انڈیز کو میچ میں کامیابی کے لئے 166 کا ہدف ملا جس کو حاصل کرنے کی کوشش میں مہمان ٹیم مقررہ اوورز میں 9 وکٹوں کے نقصان پر 99 رنز بنا سکی۔ کیویز باﺅلرز کی عمدہ باﺅلنگ کی بدولت ویسٹ انڈیز ٹیم کے 7 کھلاڑی دوہرا ہندسہ بھی عبور نہ کرسکے اور یکے بعد دیگرے پویلین لوٹتے چلے گئے۔ سانٹنر اور ٹرینٹ بولٹ نے عمدہ باﺅلنگ کا مظاہرہ کرتے ہوئے تین، تین کھلاڑیوں کو آﺅٹ کیا۔ روز ٹیلر کو میچ کا بہترین کھلاڑی قرار دیا گیا جبکہ ٹرینٹ بولٹ کو شاندار باﺅلنگ کی بدولت سیریز کا بہترین کھلاڑی قرار دیا گیا۔ کرائسٹ چرچ میں منگل کو میچ شروع ہوا تو میزبان ٹیم نے ٹاس جیت کر پہلے بیٹنگ کا فیصلہ کیا۔ میچ کے دوران بارش کے باعث مقابلہ 23، 23 اوورز تک محدود کیا گیا۔میزبان سائیڈنے4وکٹوں پر131رنزبنائے۔ کیویز کی طرف سے پہلے کھیلتے ہوئے روز ٹیلر کے ناقابل شکست 47 اور لاتھم کے 37 رنز بنائے۔ ڈک ورتھ لوئس سسٹم کے تحت ویسٹ انڈیز ٹیم کو میچ میں کامیابی کے لئے 23 اوورز میں 166 رنز کا ہدف ملا۔ ویسٹ انڈیز کی طرف سے کوٹرل نے دو کھلاڑیوں کو آﺅٹ کیا۔ جواب میں کیویز باﺅلرز کی عمدہ باﺅلنگ کی بدولت ویسٹ انڈیز ٹیم کے 7 کھلاڑی دوہرا ہندسہ بھی عبور نہ کرسکے اور یکے بعد دیگرے پویلین لوٹتے چلے گئے۔ کپتان ہولڈر نے 34 رنز بنائے اور پوری ٹیم 23 اوورز میں 9 وکٹوں کے نقصان پر 99 رنز بناسکی۔
