اسلام آباد (مانیٹرنگ ڈیسک) سابق وزیر اعظم نوازشریف کے داماد اور ممبر قومی اسمبلی کیپٹن(ر) صفدر نے کہا ہے کہ اسلام آباد میں دھرنا دینے والے ناموس رسالت کے لئے جمع ہیں ، میرا بس چلے تو میں فیض آباد دھرنے پر بیٹھے مظاہرین کے ساتھ بیٹھ جاﺅں۔ سابق وزیر اعظم نواز شریف کے داماد اور ممبر قومی اسمبلی کیپٹن (ر) محمد صفدر کا کہنا تھا کہ میں تو یہ سمجھتا ہوں کہ جو دھرنے والے بیٹھے ہیں، ان کا حق ہے ، وہ ختم نبوت کے تحفظ کے لئے بیٹھے ہوئے ہیں۔اگر میرا بس ہو تو میں بھی ان کے ساتھ جا کر بیٹھ جاﺅں۔ واضح رہے کہ تحریک لبیک یارسول اللہ کے کارکنان گذشتہ دو ہفتوں سے اسلام آباد پر دھرنا دے کر بیٹھے ہوئے ہیں ، جس کی وجہ سے جڑواں شہروں کے رہائشی افراد کو شدید پریشانیوں کا سامنا کرنا پڑ رہا ہے۔
