لاہور (کرائم رپورٹر) ستوکتلہ کے علاقہ میں پولیس کا قحبہ خانہ پرچھاپہ‘ رنگ رلیاں مناتے ہوئے 4تتلیوں سمیت 7افراد قابل اعتراض حالت میں گرفتار جبکہ ڈیفنس میں پولیس نے مساج سنٹر سے 3لڑکیوں سمیت 4افراد کو حراست میں لے لیا۔ بتایا گیا ہے کہ پولیس کو اطلاع ملی کہ ستوکتلہ کے علاقہ مکہ کالونی میں واقع ایک گھر میں جسم فروشی کا اڈا کھلا ہوا ہے جس پر رات گئے پولیس کی بھاری نفری نے چھاپہ مار کر موقع سے زاہدہ بی بی‘ فرح‘ کرن‘ کنزہ‘ سلمان‘ عمران اور ریاض کو گرفتار کر لیا۔ پولیس نے کمروں کی چیکنگ کے دوران موقع سے قوت بخش ادویات کے ریپر بھی قبضہ میں لے لئے جبکہ ڈیفنس کے علاقہ میں واقع ایک کوٹھی میں مساج سنٹر پر چھاپہ مار کر پولیس نے نسرین‘ سونیا‘ انیس اور باقر نامی نوجوان کو حراست میں لے لیا۔
