اسلام آباد(ویب ڈیسک ) پاکستان نے بھارتی جاسوس کلبھوشن یادیوکی بیوی کوملاقات کی پیشکش کردی، کلبھوشن کی بیوی کوانسانی بنیادوں پرملنے کی دعوت دی گئی ہے۔ میڈیا رپورٹس کے مطابق ترجمان دفترخارجہ کا کہنا ہے کہ پاکستان نے انسانی بنیادوں پربھارتی جاسوس کلبھوشن یادیوکی بیوی کوملاقات کی پیشکش کردی۔ کلبھوشن کی بیوی کوپاکستان بلا کرملاقات کی دعوت دی گئی ہے۔دفترخارجہ نے وربیل نوٹ پاکستان میں بھارتی ہائی کمیشن کے حوالے کردیا ہے۔ واضح رہے بھارتی فوج کے کمانڈراور بھارتی خفیہ ایجنسی کے جاسوس کلبھوشن یادیو کوپاکستانی سکیورٹی اداروں نے 3مارچ 2016ءمیں گرفتارکیا تھا۔ بھارتی جاسوس کلبھوشن نے گرفتاری کے دوران اپنے ویڈیوبیان میں پاکستان میں دہشتگردی کی کاروائیوں میں ملوث ہونے کااعتراف کیا تھا۔بھارت کی درخواست پرعالمی عدالت میں کلبھوشن یادیو کی رہائی اور سزائے موت کے خلاف کیس بھی چل رہاہے۔
