ممبئی (خصوصی رپورٹ) بالی وڈ اداکارہ ودیا بالن نے کہا ہے کہ لوگوں کو وطن پرستی پر مجبور نہیں کیا جا سکتا۔ بھارتی میڈیا کے مطابق اداکارہ ودیا بالن نے سینماﺅں میں فلم سے قبل قومی ترانہ دکھانے سے متعلق بحث پر گفتگوکرتے ہوئے کہا کہ لوگوں کو حب الوطنی پر مجبور نہیں کیاجا سکتا اور وہ ذاتی طور پر سمجھتی ہیں کہ فلم دکھانے سے پہلے قومی ترانہ پلے ہونا ضروری نہیں ہونا چاہیئے کیونکہ ہم سکول میں نہیں ہیں جہاں دن کا آغاز قومی ترانے سے کیا جاتا ہے۔ انہوں نے کہا کہ وہ اپنے ملک سے پیار کرتی ہیں اور اس کے دفاع میں کچھ بھی کر سکتی ہیں۔
