لاہور (خصوصی رپورٹ) ملک میں احتساب کا عمل تیز کرنے کیلئے کام شروع کر دیا گیا۔ سرکاری افسروں‘ سابق و موجودہ اراکین اسمبلی اور وزراءسمیت 1372افراد کی ابتدائی فہرست تیار کر لی گئی۔ فہرست میں ان تمام افراد کے بھی نام شامل ہیں جن پر نیب کے کیس چل رہے ہیں۔ ذرائع کے مطابق فہرست میں ایسے افراد بھی شامل ہیں جن کے حوالے سے حساس اداروں نے بھی انکوائریاں کی ہیں۔ ایسے افراد بھی ہیں جن کے پاکستان کے علاوہ دیگر ممالک میں کاروبار اور بینک اکاﺅنٹس ہیں۔ جلد اس فہرست کو احتساب کرنے والے اداروں کے حوالے کر دیا جائے گا۔ فہرست میں بلوچستان اور سندھ میں کھربوں روپے کی ترقیاتی سکیموں کی آڑ میں کی جانے والی کرپشن میں ملوث لوگ بھی شامل ہیں۔ اسی طرح پنجاب میں بھی کئی ایسی سکیموں کا انکشاف کیا گیا ہے جس میں کئی ارکان اسمبلی کے ملوث ہونے کے حوالے سے ثبوت دیئے گئے ہیں۔ حساس اداروں کی تحقیقات میں کئی ایسے سرکاری ملازمین بھی سامنے آئے ہیں جن کے بیرون ممالک کاروبار اور اکاﺅنٹس ہیں۔ ذرائع کے مطابق لاہور سے تعلق رکھنے والے 5ارکان اسمبلی کی جعلی این جی اوز‘ ان میں ایک رکن اسمبلی نے اپنی بیوی کے نام پر این جی اوز بنا رکھی ہیں۔ ان این جی اوز میں سرکاری اثرورسوخ کی بنا پر کس طرح پیسہ جاری ہوتا ہے‘ اس حوالے سے بھی رپورٹ میں لکھا گیا ہے۔
فہرست تیار
