ملتان،وہاڑی(خصوصی رپورٹر‘ نمائندہ خصوصی) نشتر ہسپتال کے آئی سی یو وارڈ میں زیرعلاج وہاڑی کی مسلم لیگ ن کی رکن صوبائی اسمبلی فرح منظور ہوش میں آگئی ہیں۔ تاہم ڈاکٹرز کے مطابق اگر انہوں نے زہرخورانی کی ہے یا انہیںکوئی زہریلی گولی دی گئی ہے تو اس کے اثرات ظاہرہونے میں 24سے 48گھنٹے لگتے ہیں۔ انہیں بھرپور طبی امداد دی جارہی ہے،ان کے مختلف تشخیصی ٹیسٹ کرائے جارہے ہیں تاکہ معلوم ہو سکے انہیںکسی دوائی سے ری ایکشن ہواہے یا انہوں نے زہر خورانی کی ہے۔ وہاڑی سے نمائندہ خصوصی کے مطابق ذرائع نے بتایا کہ واقعہ کی صداقت جاننے کے لئے پولیس ڈی ایچ کیو اور نشتر ملتان میں طبی سہولیات اور کنڈیشن بارے معلومات اکٹھی کررہی ہے۔
