لاہور (اپنے سٹاف رپورٹر سے) وزیراعلیٰ پنجاب محمد شہباز شریف نے کہا ہے کہ پاکستان مسلم لیگ (ن) کی حکومت ملک کو مسائل کے گرداب سے نکال کر ترقی کی راہ پر گامزن کرنے کے وعدے کی تکمیل کی جانب بڑھ رہی ہے اور ملک کو اندھیروں سے نکال کر روشنیوں میں لانے کےلئے ہر ممکن وسائل بروئے کار لائے جا رہے ہیں – وزیراعظم محمد نواز شریف کی قیادت میں توانائی بحران کے خاتمے کےلئے بے مثال کام کیا جا رہا ہے – پاکستان مسلم لیگ (ن) کی حکومت نے منصوبوں پر تیز رفتاری سے دن رات کام کرنے کا کلچر متعارف کرایا ہے اور توانائی کی کمی کے مسئلے پر قابو پانے کےلئے ملک بھر میںبجلی کے کارخانے تیزرفتاری سے مکمل کےے جا رہے ہیں – توانائی منصوبوں کی تکمیل سے 2017ءکے اختتام تک ہزاروں میگا واٹ بجلی نیشنل گرڈ میں شامل ہو گی ۔وزیر اعلی محمد شہباز شریف نے ان خیالات کا اظہارپاکستان مسلم لیگ (ن) کے عہدیداروں کے وفد سے گفتگو کرتے ہوئے کیا-وزیراعلیٰ نے کہا کہ سابق حکمرانوں کی ناقص پالیسیوں اور غلط ترجیحات کے باعث ملک اندھیروں میں ڈوبتا چلا گیا- اگر ماضی کے حکمران توانائی بحران کے خاتمے کےلئے سنجیدہ کاوشیں کرتے تو ملک کو توانائی کی کمی کے سنگین مسئلے کا سامنا نہ کرنا پڑتا- انہوںنے کہا کہ دور آمریت میں بھی توانائی کے شعبے کو بری طرح نظرانداز کیا گیاجبکہ بے مقصد دھرنوں کے ذریعے بھی ترقیاتی منصوبوں کی طرح توانائی کے منصوبوں میں رکاوٹ پیدا کی گئی- وزیراعلیٰ نے کہا کہ پاکستان مسلم لیگ (ن) کی حکومت کوئلے، ہوا، سولر، گیس ، ہائیڈل اور دیگر سستے ذرائع سے بجلی کے حصول کے منصوبوں پر کام کر رہی ہے -پنجاب میں گیس کی بنیاد پر 3600 میگا واٹ بجلی کے حصول کے کارخانے لگ رہے ہیں – گیس کی بنیاد پر پاورپلانٹس ماضی میں لگائے گئے اسی طرح کے منصوبوں کے مقابلے میں آدھی قیمت پر لگ رہے ہیں اورکم قیمت پر لگنے والے گیس سے بجلی پیدا کرنے کے کارخانوں سے عوام کو سستی بجلی ملے گی -انہوںنے کہا کہ ساہیوال کول پاور پلانٹ مقررہ مدت سے پہلے مکمل ہو گا اور اس منصوبے سے 1320 میگاواٹ بجلی حاصل ہو گی- انہوںنے کہا کہ پاکستان مسلم لےگ(ن) نے ہمےشہ خدمت،دےانت ،امانت اورمحنت کی سےاست کی ہے اور وزےراعظم محمد نوازشرےف کی قےادت مےں ملک روشنیوں، امن اور امید کے سفر پر گامزن ہو چکا ہے اور2018ءکے عام انتخابات مےں عوام کارکردگی کی بنےاد پر ووٹ دےں گے اورملک کی ترقی مےں رکاوٹےں ڈالنے والوں کواےک بار پھر ناکامی کا سامنا کرنا پڑے گا۔وزےراعلیٰ پنجاب محمد شہبازشرےف نے مقبوضہ کشمیر میں نہتے کشمیری عوام پر بھارتی فوج کی فائرنگ کی شدید مذمت کی ہے۔ وزیراعلیٰ نے بھارتی فوج کی متشدد کارروائیوں کے نتیجے میں کشمیری نوجوانوں کی شہادت پر گہرے دکھ اور افسوس کا اظہار کرتے ہوئے شہداءکے لواحقین سے ہمدردی اور تعزیت کا اظہار کیا ہے۔ وزیراعلیٰ شہبازشریف نے کہا کہ بھارتی افواج نے مقبوضہ جموں و کشمےر مےں نہتے کشمےری عوام پر ظلم و ستم کی انتہا کردی ہے ، عالمی برادری بھارتی افواج کے انسانیت سوز مظالم کا نوٹس لے۔ مقبوضہ کشمیر میں انسانی خون کی ارزانی پر عالمی برادری کی خاموشی کا کوئی اخلاقی جواز نہیں۔ عالمی برادری کو بھارت پر کشمیر میں آگ اور خون کا یہ کھیل فوری طور پر بند کرنے کیلئے دباﺅ ڈالنا چاہیئے۔ انہوں نے کہا کہ ظلم و ستم کے ذریعے کشمےری عوام کی تحرےک آزادی کو نہےں دبایا جاسکتا۔ ہندوستان نہتے کشمیریوں پر جتنا چاہے ظلم کر لے وہ ان سے آزادی کا پیدائشی حق کبھی نہیں چھین سکتا ۔ انہوں نے کہا کہ نہتے کشمیریوںپر بھارتی قابض افواج کے بد ترین ظلم و ستم پر عالمی ضمیر کو بےدارہونے کی ضرورت ہے۔بھارتی افواج کے مظالم کشمےرےوں کو زےادہ دےر تک حق خود ارادےت سے محروم نہےں رکھ سکتے۔مقبوضہ کشمیر میں نام نہاد الیکشن کا ڈرامہ رچا کر بھارت دنیا کی آنکھوں میں دھول نہیں جھونک سکتا اور نہ ہی کشمیری عوام پر اپنی مرضی مسلط نہیں کرسکتا ہے، اسے کشمیریوں کو حق خود ارادیت دینا ہوگا۔ وزیراعلیٰ نے کہا کہ بھارتی حکومت گولیوں کے ذریعے کشمیری عوام کے جذبہ حریت کو نہیں کچل سکتی۔ وقت نے کشمیرمیں بھارتی حکومت کی ظلم اور تشدد کی پالیسی کو ناکام ثابت کر دیا ہے۔ انہو ںنے کہا کہ بھارت کی ظلم و تشدد کی پالیسی نے کشمیری عوام کے دلوں میں آزادی کی تڑپ کو مزید جلا بخشی ہے۔ کشمیری عوام کی قربانیاں ضرور رنگ لائیں گی اور کشمیر کی آزادی کی صبح شہدائے کشمیر کے خون سے طلوع ہوگی۔ وزےراعلیٰ پنجاب محمد شہبازشرےف سے آج ےہاں انسپکٹر جنرل پولےس مشتاق احمد سکھےرانے الوداعی ملاقات کی۔ وزےراعلیٰ نے پنجاب پولےس کو بہترےن فورس بنانے کےلئے تےزرفتاری سے اقدامات اورپےشہ وارانہ انداز مےں فرائض کی ادائےگی پر آئی جی پولےس مشتاق سکھےراکو خراج تحسےن پیش کےا اور ان کےلئے نےک خواہشات کا اظہار کےا۔ انہوں نے کہا کہ آئی جی پولےس مشتاق سکھےرا نے پےشہ وارانہ امور کو جانفشانی سے سرانجام دےااور صوبے مےں امن وامان کی فضا کو بہتر بنانے کےلئے بھر پور کردارادا کےا۔انہوںنے کہا کہ عوام کے جان و مال کے تحفظ کےلئے مشتاق سکھےرا کی قےادت مےں پنجاب پولےس کی کارکردگی اچھی رہی ہے اور ان کے دور مےں صوبے مےں امن وامان کی صورتحال میں واضح بہتری آئی۔وزےراعلیٰ نے کہا کہ پنجاب پولےس مےں انفارمےشن ٹےکنالوجی کے ذرےعے بہتری لانے کےلئے اقدامات کا سہرا بھی مشتاق سکھےرا کو جاتا ہے۔ وزیر اعلیٰ نے کہا کہ آئی جی پولےس پنجاب محکمہ پولےس کے انتہائی اےماندار اورنڈر آفےسر ہےں اور انہوں نے اپنے دور مےں محکمہ اورپولےس افسران کا مورال ہمےشہ بلند رکھا۔ وزےراعلیٰ پنجاب محمد شہبازشرےف نے وےسٹ انڈےز کے خلاف دوسرے ون ڈے مےچ مےںکامےابی پر پاکستانی کرکٹ ٹیم کو مبارکباد دی ہے۔ وزیراعلیٰ نے قومی کرکٹ ٹےم کے نام اپنے تہنیتی پیغام میں کہا ہے کہ بابراعظم کی شاندار سنچری اور حسن علی کی عمدہ باﺅلنگ نے پاکستان کو کامیابی دلانے میں اہم کردار ادا کیا اور بلاشبہ پاکستان کی کامیابی محنت اور بہترین ٹیم ورک کا نتیجہ ہے ۔ انہوں نے کہا کہ پاکستانی کھلاڑیوں نے کھیل کے ہر شعبے میں ویسٹ انڈیز کو آ¶ٹ کلاس کر کے فتح حاصل کی اوراعلیٰ کارکردگی دکھائی۔وزیراعلیٰ نے کہا کہ امید ہے کہ آئندہ ون ڈے میچوں میں بھی پاکستانی کھلاڑی اچھے کھیل کا مظاہرہ کریں گے۔
