اسلام آباد (سیاسی رپورٹر) معلوم ہوا ہے کہ ڈان لیکس کی رپورٹ کے منظرعام پر آنے کے بعد سابق وزیر اطلاعات ونشریات سنیٹر پرویز رشید کی بے گناہی ثابت ہونا یقینی ہے لہٰذا انہیں دوبارہ وفاقی وزیر اطلاعات ونشریات مقرر کیا جائے گا۔ یہ سیٹ اس وقت بھی خالی ہے کیونکہ محترمہ مریم اورنگزیب وزیر مملکت برائے اطلاعات ہیں۔ پرویز رشید وزیراعظم نواز شریف کے جان نثاروں میں شمار کیے جاتے ہیں اور الیکشن سے پہلے لازماً ان کی خدمات دوبارہ حاصل کی جائیں گی۔