اسلام آباد، لاہور (مانیٹرنگ ڈیسک، نامہ نگار) پاکستان تحریک انصاف کے چیئرمین عمران خان نے خواجہ آصف کی کل کی پریس کانفرنس پر تنقید کرتے ہوئے کہا ہے کہ خواجہ آصف نے گرمی کی لوڈشیڈنگ کی وجہ قرار دیا ہے۔ انہوں نے کہا کہ خواجہ آصف کو اب احساس ہوا کہ ملک میں گرمی بھی پڑتی ہے۔ انہوں نے تسلیم کیا کہ بجلی کا شارٹ فال 5400 میگاواٹ ہو چکا ہے۔ کرپشن اور چوری کے باعث لوڈشیڈنگ بڑھ رہی ہے۔ علاوہ ازیں عمران خان کی زیرصدارت تحریک انصاف کی قیادت کا اجلاس ہوا جس میں پانامہ لیکس کے کسی بھی ممکنہ فیصلے اور دیگر ملکی سیاسی صورتحال پر غور کیا گیا۔ ترجمان کے مطابق اجلاس میں پانامہ کیس کے فیصلے کے بعد کی سیاسی حکمت عملی پر غور کیا گیا جبکہ شرکاءکی جانب سے ملک بھر میں بجلی کی طویل بندش کی شدید مذمت بھی کی گئی۔ تحریک انصاف کی سیاسی کامیابیوں میں خواتین کی جدوجہد مثالی ہے۔ خواتین کی جدوجہد سے ہمارا ووٹ بینک بڑھ رہا ہے۔ خواتین عہدیدار الیکشن کی تیاری کریں اور پی ٹی آئی کے ووٹ بینک میں اضافہ کریں۔ ان خیالات کا اظہار تحریک انصاف کے سربراہ عمران خان نے سمیرا ملک کو خصوصی ٹاسک دیا اور ہدایت کی کہ زیادہ سے زیادہ پی ٹی آئی کی ممبرسازی میں اضافہ کریں۔ سمیرا ملک نے عمران خان کو اپنی ورکنگ کے حوالے سے ایک رپورٹ پیش کی اور بہاولپور آنے کی بھی دعوت دی عمران خان نے قبول کر لی۔
