ایسی کونسی وباءپھیلی کہ 24گھنٹوں میں 2ہزار سے زائد لاہوریوں کو ہسپتال جانا پڑگیا, دیکھئے اہم خبر

لاہور (خصوصی رپورٹ) موسم میں یک دم تبدیلی نے لاہوریوں کو ہسپتالوں کی سیر کروادی۔ موسم میں تبدیلی نے درجہ حرارت یک دم تبدیل کردیا جس کی وجہ سے شہر کا موسم ہی تبدیل ہو گیا ہے۔ موسم میں گرمی کی شدت نے 2 ہزار کے لگ بھگ افراد کو گیسٹرو میں مبتلا کر دیا اور ہسپتالوں میں پہنچ گئے۔ ہسپتالوں میں پہنچ گئے۔ ہسپتالوں میں ضرورت سے زیادہ گیسٹرو کے مریض آنے کے باعث ہسپتالوں میں گیسٹرو سے متعلقہ ادویات اور انجکشن کی قلت پیدا ہو گئی۔ ماہرین صحت کے مطابق اس موسم میں تازہ خوراک استعمال کی جائے کیونکہ باسی خوراک گیسٹرو کا باعث بنتی ہے۔ گزشتہ 24 گھنٹوں میں لاہور کی ہسپتالوں میں 2 ہزار سے زائد مریضوں کو علاج معالجہ کی سہولیات فراہمی کی گئی جو گرمی کی شدت کے باعث گیسٹرو میں مبتلا ہوئے ۔ میو ہسپتال 221 جناح ہسپتال میں 187 سروسز ہسپتال 182،جنرل ہسپتال 179 ، نواز شریف سوشل سکیورٹی ہسپتال ملتان چونگی 172، شیخ زید ہسپتال 170 ، سرگنگا رام ہسپتال 168، واپڈا ہسپتال کمپلیکس 162، نواز شریف ہسپتال یکی گیٹ 112، سید مٹھا ہسپتال 102، گورنمنٹ شاہدرہ ٹیچنگ ہسپتال 98، گورنمنٹ مزنگ ہسپتال 72 ، کوٹ خواجہ سعد ہسپتال 70 مریضوں کو گیسٹرو کے علاج معالجہ کی سہولیات فراہم کی گئی۔