لاہور(خصوصی رپورٹ) صوبائی دارالحکومت سمیت پنجاب بھر میں لوڈ شیڈنگ میں اضافہ ہو گیا ۔ ڈیموں میں پانی کی کمی سے بجلی کی پیداوار اور مزید کم ہوگئی ہے، پانی سے بجلی کی پیداوارر صرف 1800 میگاواٹ تک ہو گئی۔ ملک بھر میں بجلی کا شارت فال بڑھ کر 4700 میگاواٹ تک پہنچ گیا۔ شہری علاقوں میں 8 سے 10 گھنٹے کی لوڈ شیڈنگ جبکہ دیہی علاقوں میں 12 سے 15 گھنٹے کی بجلی بندش کا سلسہ جاری ہئے۔ اس وقت بجلی کی طلب 14 ہزار پیداوار صرف 9 ہزار300 میگاواٹ بجلی مل رہی ہے۔ بلوں میں ٹیکسوں کی بھرمار سے صارفین پریشان ہیں ساہیوال میںواپڈا احکام کی جانب سے غیر اعلانیہ لوڈ شیڈنگ میں شدید اضافہ کر دیا گیا ہے۔ حافظ آباد میں بجلی کی غیر اعلانیہ لوڈ شیڈنگ کا دورانیہ 18 گھنٹے سے تجاوز کر گیا ۔ذرائع کے مطابق ملک بھر میں لوڈ شیڈنگ کے خاتمے کے لئے لاہور ہائیکورٹ سے عجوع کر لیا گیا ۔ جوڈیشیل ایکٹوازم پینل کے سربراہ اظہر صدیق ایڈوکیت نے درخواست لوہر ہائیکورٹ میں دائر کی جس میں کہا گیا کہ حکومت ملک میں لوڈشیڈنگ ختم کرنے میں بری طرح ناکام ہو چکی ہے درخواست گزار کے مطابق نیلم چہلم پراجیکٹ پر غریب عوام سے 3 گنا سر چارج وصول کیا جا چکا ہے اور اربوں روپے سرچارجز کی مد میں وصول کرنے کے باوجود لودشیڈنگ کا جن قابو نیہں کیا جا سکا۔ درخواست گزار نے استدعا کی کہ ملک بھر سے لوڈ شیڈنگ کا خاتمہ کرنے کا حکم دیا جائے ڈرخواست میں یہ بھی استدعا کی گئی کہ حکمرانوں کو عوام سے جھوٹے وعدے کرنے اور آرٹیکل 62 اور 63 پر پورانہ اترنے پر ناائل قرار دینے کے ساتھ ساتھ توہین عدالت کی کارروائی کی جائے۔
