اسلام آباد (خصوصی رپورٹ) عالمی بینک صوبہ پنجاب میں زرعی شعبے کی ترقی کیلئے 30کروڑ ڈالر جبکہ خیبرپختونخوا کی خواتین و بچوں میں غذائی کمی پر قابو پانے کے منصوبے کیلئے 50لاکھ ڈالر قرضہ فراہم کریگا، معاہدے پر دستخط ہوگئے۔ جمعہ کو وفاقی حکومت کی طرف سے سیکرٹری اقتصادی امور ڈویژن عارف احمد اور عالمی بینک کی طرف سے کنٹری ڈائریکٹر الانگوپیچا موتھونے قرضے کی فراہمی کے معاہدے پر دستخط کیے پنجاب حکومت ایک ارب 29کروڑ ڈالر اپنے وسائل سے بھی فراہم کرے گی۔