وزیرآباد (خصوصی رپورٹ) خواتین کو بلیک میل کرنے والے دو پیر گرفتار کر لئے گئے۔ نام نہاد پیر خواتین کے مسائل حل کرنے کیلئے ان کی برہنہ تصاویر پر کالاعلم کرتے تھے۔ پیروں کے موبائل فون سے سینکڑوں خواتین کی برہنہ تصاویر برآمد ہوئیں اور انہیں چھترول کے بعد پولیس کے حوالے کردیا گیا۔ تفصیلات کے مطابق موضع بھروکی میں امام مسجد 45سالہ محمدامتیاز تعویذ دھاگے کا کام کرتا تھا۔ امتیاز 15سال قبل مریدکے سے آ کر آباد ہوا تھا‘ بعدازاں 35سالہ پیر ثناءاللہ بھی اس کا شریک کار ہو گیا۔ دونوں پیر خواتین کے مسائل حل کرنے کیلئے ان کی برہنہ تصاویر پر مبینہ طور پر کالا علم کرتے اور 25ہزار روپے نذرانہ بھی وصول کرتے تھے۔ پیر ثناءاللہ کی مشکوک حرکات کو بھانپ کر گاﺅں کے نوجوانوں نے اس کے حجرے کو گھیر لیا اور تلاشی لی تو ان کے موبائل فون میں کئی سو خواتین کی برہنہ تصاویر پائی گئیں جنہیں دیکھ کر لوگ بپھر گئے اور پیر کی چھترول شروع کر دی۔ تشدد کے بعد پیروں سے استفسار کیا گیا تو انہوں نے بتایا کہ یہ تصاویر کالا علم کرنے کیلئے خواتین نے اپنی مرضی سے دی تھیں۔
جعلی پیر گرفتار
