لاہور: (ویب ڈیسک) شاہدرہ کے علاقے میں نوجوان نے رشتے کے تنازعہ پر چچی اور اس کی بیٹی کو تیز دھار آلے سے وار کر کے موت کے گھاٹ اتار دیااور فرار ہو گیا ہے۔تفصیلات کے مطابق شاہدرہ کے علاقے میں گھر سے 45 سالہ بشری اور اس کی20 سالہ بیٹی ثناء کی گلہ کٹی خون میں لت پت لاشیں ملی ہیں،دونوں ماں بیٹی کو تیز دھار آلے سے واراور گلے کاٹ کر بے دردی سےقتل کیا گیا ہے۔اطلاع ملنے پر پولیس کی بھاری نفری موقع پر پہنچ گئی۔پویس اور فرانزک ٹیموں نے موقع سے شواہد اکھٹے کیے اور دونوں لاشیں قبضے میں لے کر پوسٹ مارٹم کے لئے مردہ خانے جمع کرا کر تفتیش شروع کردی ہے۔پولیس کی ابتدائی تفتیش کے مطابق دونوں ماں مبار ک نامی نوجوان نے نے رشتے کی تنازع پر قتل کیاہے۔ مبینہ ملزم مبارک مقتولہ ثناء کے تایا کا بیٹا ہے جبکہ مقتولہ بشری اس کی چچی تھی۔پولیس کے مطابق تفتیش جاری ہے،جلد اصل حقائق سامنے آجائیں گے۔
