لاہور (این این آئی) مسلم لیگ (ن) کی مرکزی رہنما مریم نواز نے کہا ہے کہ جمہوریت زخموں سے چور ہوکر بھی پہلی بار سازشوں کے خلاف ڈٹ کر کھڑی ہے ، یہ مستقبل کی نوید ہے،ہر قسم کے دباﺅ اور دھمکیوں کو برداشت کرکے نوازشریف کے ساتھ ثابت قدم رہنے والوں کو سلام ہے ۔ قومی اسمبلی میں الیکشن ایکٹ 2017ءمیں ترمیم کا بل مسترد ہونے پر ٹوئٹر پر جاری اپنے بیان میں مریم نواز نے کہا کہ یہی عوام کا فیصلہ ہے، جمہوریت زخموں سے چور ہوکر بھی پہلی بار سازشوں کے خلاف ڈٹ کر کھڑی ہے ، ایسا پہلے کبھی نہیں ہوا اور یہ مستقبل کی نوید ہے۔”ایک شخص،ایک شخص،ایک شخص “،ایک شخص کو سب ملکر مائنس کرنا چاہتے تھے لیکن نہ کرسکے کیونکہ وہ ایک شخص نہیں تھا ، نظریئے کو مائنس نہیں کیا جا سکتا،ہر قسم کے دباﺅ اور دھمکیوں کو برداشت کرکے نوازشریف کے ساتھ ثابت قدم رہنے والوں کو سلام ہے ۔ انہوں نے کہا کہ پاکستان میں پہلی بار جمہوریت اپنے خلاف سازشوں کو پے درپے شکست دے رہی ہے۔
