All posts by Saqib Nasir

پاکستانی نابینا سفارت کار خاتون کا کشمیر بھارت کو کرارا جواب دنیا کی آ نکھیں کھول دیں

پاکستانی نابینا سفارتکار خاتون کا کشمیر پر بھارت کو کرارا جواب، دنیا کی آنکھیں کھول دیں مستقل مشن کی رکن صائمہ سلیم نے بھارتی مظالم پر ٹھوس جوابات دیئےنیویارک

پاکستان پر الزام تراشی کی کوشش ناکام، بھارت کو اقوام متحدہ میں ہزیمت کا سامنا کرنا پڑا، اقوام متحدہ میں پاکستان کے مستقل مشن کی رکن، پاکستانی سفارتکار صائمہ سلیم نے بھارتی بیان پر سخت ردعمل جاری کردیا۔ پاکستان نے اقوام متحدہ کی جنرل اسمبلی میں بھارتی بیان

پر جوابی ردعمل دیتے ہوئے مقبوضہ کشمیر میں انسانی حقوق کی خلاف ورزیوں کی تفصیلات پیش کیں۔پاکستان کی جانب سے خاتون سفارت کارصائمہ سلیم نے مقبوضہ کشمیر سے متعلق حقائق پیش کر کے بھارت کوبھرپور جواب دیا۔انہوں نے کہا کہ کشمیرنہ بھارت کا اٹوٹ انگ نہ بھارت کا اندرونی معاملہ، یہ عالمی سطح پر تسلیم شدہ متنازع علاقہ ہے، جس پر

بھارت نے بزور اسلحہ قبضہ کیا ہوا ہے، کشمیر کے مسئلے سے سے توجہ ہٹانے کیلئے بھارت ہمیشہ پاکستان پر بے بنیاد الزامات عائد کرتا ہے۔صائمہ سلیم نے کہا کہ یورپی یونین کی ڈس انفولیب کے انکشافات سامنے آچکے ہیں، بھارت نے پاکستان کے خلاف غلط معلومات کے ٹولز استعمال کیے۔انہوں نے کہا کہ مقبوضہ کشمیرمیں انسانی حقوق کی خلاف

ورزیوں پر درجنوں رپورٹس موجود ہیں، انسانی حقوق کے ہائی کمشنرکی 2رپورٹس میں تفصیلات بھی درج ہیں، 5 اگست 2019 کے بعد بھارت پر زور دیا کشمیریوں کے حقوق بحال کرے، انسانی حقوق تنظیموں نے بھی مقبوضہ کشمیر کی صورت حال پر اپنے تحفظات کا اظہار کیا۔انہوں نے کہا کہ پاکستان نے حال ہی میں جامع اور تحقیق شدہ ڈوزیئرجاری کیا

ہے، جو بھارتی فورسز کی انسانی حقوق کی خلاف ورزیوں پر مشتمل ہے، اس میں پاکستان نے بین الاقوامی برادری سے نوٹس لینے کا مطالبہ بھی کیا ہے۔بھارت کے پاس اگرچھپانے کیلئے کچھ نہیں ہے توبھارت کو اقوام متحدہ کی انکوائری کو قبول کرنا چاہیے، بھارت خود خطے میں دہشت گردی کا اصل مجرم اور مالی معاون ہے، بھارت کم ازکم 4 مختلف اقسام کی دہشت گردی میں ملوث ہے، 1989 سے اب تک بھارتی افواج نے 96 ہزار سے زائد

کشمیریوں کو شہید کیا۔انہوں نے مزید کہا کہ بھارت ٹی ٹی پی جیسی دہشت گرد تنظیموں کی معاونت کر رہا ہے، ہزاروں پاکستانی بھارتی سرپرستی میں دہشت گرد حملوں میں جانیں گنواچکے ہیں، پاکستان نےدہشت گردی میں بھارتی مداخلت کے شواہد شیئرکیے، پاکستان میں گرفتار ہونے والے بھارتی جاسوس کلبھوشن نے بھی پاکستان میں دہشت گردی کااعتراف کیا

ہے، اس سے قبل بھارت نے اقوام متحدہ کی جنرل اسمبلی میں پاکستانی وزیر اعظم عمران خان کے الزامات کا سخت لہجے میں جواب دیا تھا،اقوام متحدہ میں بھارت کی فرسٹ سیکریٹری سنیہا دوبے نے کہا کہ پاکستانی وزیر اعظم نے بھارت کے داخلی معاملات کو عالمی پلیٹ فارم پر پیش کر کے اور جھوٹ پھیلا کر بھارت کی ساکھ خراب کرنے کی کوشش

کی ہے، جس کی وجہ سے انہیں ‘رائٹ ٹو رپلائی(جواب دینے کا حق)کی شق استعمال کرنی پڑی۔سنیہا دوبے نے الزام عائد کیا کہ پاکستان وہ ملک ہے، جہاں دہشت گرد آزادی سے گھومتے ہیں۔ ”پاکستان اپنے پڑوسیوں کو پریشان کرنے کے لیے درپردہ دہشت گردی کی اعانت کر رہا ہے۔ پاکستان دنیا بھر میں خود کو مظلوم اور دہشت گردی کے شکار ملک کے طور پر پیش کرتا ہے۔ پاکستان درحقیقت آگ لگانے والا ہے لیکن خود کو فائر فائٹر(آگ

بجھانے والے) کے طور پر پیش کرنے کی کوشش کرتا ہے۔”بھارتی عہدیدار کا مزید کہنا تھا، ان(پاکستان)کی پالیسیوں سے ہمارا خطہ ہی نہیں بلکہ دراصل پوری دنیا کو نقصان اٹھانا پڑ رہا ہے۔ دوسری طرف وہ اپنے ملک میں نسلی تشدد کی پردہ پوشی کرنے کی کوشش کر رہے ہیں۔”بھارتی سفارت کار سنیہا دوبے کا دعوی تھا، ہم اس وقت بھی اور ہمیشہ اس بات پر قائم ہیں کہ مرکز کے زیر انتظام علاقے جموں و کشمیر اور لداخ بھارت کا حصہ ہیں اور رہیں

گے۔ اس میں وہ حصے بھی شامل ہیں جن پر پاکستان نے غیر قانونی طور پر قبضہ کر رکھا ہے۔ ہم پاکستان سے اپیل کرتے ہیں کہ اس نے ہمارے جن علاقوں پر غیر قانونی قبضہ کر رکھا ہے، ان تمام علاقوں سے فورا دست بردار ہو جائے۔”خیال رہے کہ وزیر اعظم عمران خان نے اقوام متحدہ کی جنرل اسمبلی کے 76ویں اجلاس سے جمعے کی رات خطاب کرتے ہوئے کہا تھا کہ بھارت میں ہندو

فضائی حملوں کیلئے طالبان کو بتانا ضروری نہیں امریکہ کا اعلان

نیویارک (مانیٹرنگ ڈیسک) پینٹاگون کا کہنا ہے کہ افغانستان میں فضائی حملوں کے لیے طالبان کو بتانا ضروری نہیں۔واشنگٹن میں میڈیا سے بات کرتے ہوئے پینٹاگون پریس

سیکرٹری جان کربی کا کہنا تھا کہ انسداد دہشت گردی کے خلاف کارروائیوں کے لیے تمام اہم حکام کو رابطے میں رکھتے ہیں۔انہوں نے مزید کہا کہ فضائی حملوں میں استعمال ہونے والی

صلاحیتوں پر یقین رکھتے ہیں اور اس میں معاون رابطوں کےلئے مخصوص اصولوں کی ضرورت نہیں ہے۔جان کربی نے یہ بھی کہاکہ طالبان سے بھی فی الحال فضائی حدود کے

حوالے سے کوئی بات کرنے کی ضرورت نہیں۔ا±ن کا کہنا تھا کہ توقع کرتے ہیں کہ دہشت گردی کے خلاف کارروائیوں میں اس سلسلے میں مستقبل میں بھی کوئی رکاوٹ نہ ہو۔

ملک بھر میں نادرا سروسز معطل

ملک بھر میں نادرا سروسز معطل ہو گئیں۔

  نادرا سروسز اج 26 ستمبر کی صبح 8 بجے تک معطل رہیں گی، نادرا سسٹمز کی اپ گریڈیشن کے باعث فیصلہ کیا گیا ہے۔

 ترجمان نادرا  کا کہنا ہے کہ نادرا آپریشنل سہولیات بشمول آن لائن PakIdentity، کووڈ سرٹیفکیٹ کا (آن لائن) اجراء کی سروس بھی معطل ہوگی۔

ترجمان نادرا  کے مطابق ملک بھر کے 24 گھنٹے سروس والے میگا سینٹرز میں بھی سروسز آج صبح 8 بجے تک معطل رہیں گی۔

 ترجمان نادرا کے مطابق  اپگریڈیشن کے بعد تمام سروسز بحال ہو جائیں گی۔

 ترجمان نادرا  کا  مزید کہنا ہے کہ بیرون ملک مقیم پاکستانیوں کے لیے بھی اپ گریڈیشن کے دوران تمام آن لائن سروس معطل رہیں گی، بیرون ملک پاکستانیوں کو بھی سسٹم اپ گریڈیشن کے فوری بعد تمام سروسزحاصل ہو سکیں گی۔

نیوزی لینڈ اور انگلینڈ کا دورہ پاکستان ختم کرنا دہرا معیار ہے، عثمان خواجہ

لاہور: عثمان خواجہ نے نیوزی لینڈ اور انگلینڈ کی جانب سے پاکستان کا دورہ ختم کرنے کو دہرا معیار قرار دیدیا۔

آسٹریلوی ٹیسٹ کرکٹر عثمان خواجہ نے نیوزی لینڈ اور انگلینڈ کرکٹ بورڈ کی جانب سے پاکستان کے دورے ختم کرنے کے فیصلے کو دہرا معیار قرار دیتے ہوئے کہا کہ اس کے مقابلے میں بھارت میں حالات جیسے بھی ہوں مگر بھارت میں کرکٹ کھیلنے کو سب تیار ہوتے ہیں، اگر بھارت میں یہ صورتحال ہوتی تو پھر کوئی بھی ایسا نہ کرتا، اس کا مطلب تو یہ ہوا ہے کہ پیسہ بولتا ہے اور میرے خیال میں یہ ہی اس کی سب سے بڑی وجہ ہے۔

بائیں ہاتھ کے اوپنر نے پاکستان میں کرکٹ سیریز کھیلنے کی حمایت کرتے ہوئے کہا کہ پاکستان نے ثابت کیا ہے کہ وہ ہر لحاظ سے محفوظ جگہ ہے، وہاں سکیورٹی کے سخت اور مثالی انتظامات کیے جاتے ہیں، میں نے سب سے یہ سنا ہے کہ لوگ وہاں محفوظ ہیں، میرے نزدیک پاکستان کے ٹورز کو ختم نہیں کرنا چاہیے۔

سعودی عرب کا قومی دن: پاکستانی طبلہ پلیئرز رائن اور ازیک زار نے سعودی قومی ترانہ ریلیز کر دیا

سعودی عرب کے قومی دن پر پاکستانی طبلہ پلیئرز رائن اور ازیک زار نے سعودی قومی ترانہ ریلیز کر دیا ہے۔

تفصیلات کے مطابق پاکستانی طبلہ پلیئرز رائن اور ازیک زار نے سعودی قومی ترانہ سعودی عرب کے قومی دن پر ریلیز کر دیا ہے۔

ذرائع نے کہا کہ قومی ترانے میں استاد رستم فتح علی اور شاہمیر رستم فتح علی خان بھی شامل ہیں۔ ترانے کا میوزک بھی استاد رستم فتح علی خان نے ترتیب دیا ہے۔

ذرائع کا کہنا ہے کہ ترانے کی ویڈیو ڈائریکٹر عصمہ ضیا ہیں۔

زار برادرز کا کہنا ہے کہ ہم نے قومی ترانہ گا کر کنگ عبد العزیز اور سعودی عوام کو خراج تحسین پیش کیا ہے۔

والد ڈاکٹر زار کا کہنا ہے کہ ہماری خواہش ہے کہ مکہ مکرمہ کے اندر جا کر نوافل ادا کریں۔

ذرائع کے مطابق رائن اور ازیک نے آج اسلام آباد میں سعودی سفیر نواف بن سعید المالکی سے ملاقات بھی کی ہے جس میں نواف بن سعید المالکی نے زار برادرز کا سعودی قومی ترانہ گانے کی تعریف کی ہے۔

ذرائع کا کہنا ہے کہ ملاقات میں وزیر اعظم کے معاون خصوصی طاہر اشرفی اور طبلہ پلیئرز کے والد ڈاکٹر زار بھی شریک تھے۔

زار برادرز نے اس موقعے پر کہا کہ سعودی عرب کے قومی دن کے موقع پر سعودی ترانہ ہماری طرف سے تحفہ ہے۔

زار برادرز کا مزید کہنا تھا کہ ہم سعودی قومی ترانے کی ویڈیو کو سعودی عوام اور کنگ عبد العزیز کے نام کرتے ہیں۔

جہاں چین کی سرمایہ کاری ہوگی اسے سی پیک والی سکیورٹی دیں گے: اسد عمر

وفاقی وزیر برائے منصوبہ بندی وترقی اسد عمر کا کہنا ہےکہ چین پاکستان اقتصادی راہداری  (سی پیک) منصوبہ ہمارے مشرق میں ہمسائے کی آنکھوں میں کھٹکتا ہے، چین کے ساتھ دوستی سے ایک انچ پیچھے نہیں ہٹیں گے۔

اسلام آباد میں پریس کانفرنس کرتے ہوئے اسد عمر کا کہنا تھا کہ کئی چیلنجز کے باوجود پاکستان اور چین کی قیادت نے سی پیک کو جاری رکھا ہوا ہے،پاکستان کی واضح خارجہ پالیسی ہے، پہلے ہم نے خارجہ پالیسی میں وہ فیصلے کیے جس کی بھاری قیمت ادا کی، ہم دوسروں کی جنگ یا سرد جنگ میں حصہ دار بنے رہے۔

اسد عمرکا کہنا تھاکہ سی پیک منصوبوں کے لیے چینی ورکرز گزشتہ سال ہی واپس آگئے تھے ، پاکستان اور چین کی قیادت سی پیک کےلیے پرعزم ہے ،سی پیک کے آئی ٹی کا جوائنٹ ورکنگ گروپ بنانےکا فیصلہ کیا ہے، سی پیک کے پہلے مرحلےکی تکمیل دونوں ملکوں کے بڑھتے تعاون کی مظہر ہے ، سی پیک کے جنوبی زون سے پاکستان میں کثیر غیر ملکی سرمایہ کاری آئے گی ۔

وفاقی وزیر کا کہنا تھا کہ داسو کا منصوبہ سی پیک کا منصوبہ نہیں ہے،  داسو اس سکیورٹی حصار کا حصہ نہیں جس میں سی پیک منصوبے آتے ہیں، چین کو سکیورٹی معاملات پر تحفظات ہیں، مگرکام شروع ہے۔

ان کا کہنا تھا کہ چین کے بجلی منصوبوں کو خصوصی طریقوں سے ڈیل کیا جائےگا، چین نےکہا ہے کہ مستقبل میں کوئلے کے منصوبوں میں سرمایہ کاری نہیں کریں گے، کوئلے سے بجلی پیدا کرنےکے پہلے کے منصوبے جاری رہیں گے،پاکستان میں آدھی سے زیادہ بیرونی سرمایہ کاری چین سے آتی ہے، چین کی سرمایہ کاری جہاں آرہی ہے اس پر سی پیک والی سکیورٹی دی جائے گی۔

وزیر منصوبہ بندی کا کہنا تھا کہ کورونا پر قابو پانے کے لیے چین کی حکومت نے پاکستان سے پھر پور تعاون کیا، چین کی مدد کرنے پر ان کے شکر گزار ہیں،زراعت کے شعبے میں بھی چین پاکستان کے ساتھ تعاون کر رہا ہے ، کورونا کے باوجود کوشش کی گئی سی پیک منصوبوں پر کام جاری رہے۔

مودی سرکار کی پالیسیاں خطے کےمفاد میں نہیں،معید یوسف

وزیراعظم کے مشیر قومی سلامتی معید یوسف کا کہنا ہے کہ انتہاء پسند مودی سرکار کی پالیسیاں خطے کےمفاد میں نہیں ہیں۔

کراچی میں تقریب سے خطاب کرتے ہوئے وزیراعظم کے مشیر برائے قومی سلامتی معید یوسف نے کہا کہ معاشی استحکام اورملکی سلامتی کا گہرا تعلق ہے، ملک کو ریاست مدینہ کی طرز پر اس

انہوں نے کہا کہ پاک،چین اقتصادی راہداری سے روابط کے فروغ میں مدد ملےگی، پاکستان نے دہشت گردی کےخلاف کامیاب جنگ لڑی ہے جبکہ بھارتی حکومت کی پالیسیاں خطے کے مفاد میں نہیں ہیں۔

مشیر قومی سلامتی نے مزید کہا کہ ہمیں وسط ایشیائی ریاستوں کے ساتھ رابطے کے فروغ کی ضرورت ہے۔

طالبان کا یواین جنرل اسمبلی اجلاس سے خطاب کامطالبہ, سابقہ حکومت کے ایلچی اسحق زئی اب ملک کے نمائندہ

افغان عبوری حکومت کے وزیرخارجہ امیرخان متقی کا کہنا ہے کہ انھیں رواں ہفتے نیو یارک میں ہونے والے اقوام متحدہ کی جنرل اسمبلی اجلاس سے خطاب کا موقع دیا جائے۔

افغانستان کے وزیرخارجہ نے درخواست ایک خط کے ذریعے کی ہے جس پر فیصلہ اقوام متحدہ کی ایک اعلیٰ سطحی کمیٹی کرے گی۔

اقوام متحدہ کے ترجمان کے مطابق جنرل اسمبلی اجلاس میں حصہ لینے کی طالبان حکومت کی درخواست پر ایک کمیٹی غور کر رہی ہے جس کے نو ارکان میں امریکہ، چین اور روس شامل ہیں۔

اقوام متحدہ کے قوانین کے مطابق اس وقت تک سابق افغان حکومت کے ایلچی غلام اسحق زئی ہی اقوام متحدہ میں افغانستان کی نمائندگی کریں گے کیونکہ جنرل اسمبلی کے اجلاس کے اختتام سے قبل تک اس کمیٹی کے ارکان کی ملاقات کا امکان نہیں ہے۔

واضح رہے کہ طالبان کے گذشتہ دور اقتدار کے دوران 1996 سے 2001 کے درمیان معذول حکومت کے سفیر ہی اقوام متحدہ میں ملک کے نمائندے کی حیثیت سے برقرار رہے تھے۔

طالبان حکومت نے کل طالبان تحریک کے خارجہ امور کے ترجمان سہیل شاہین کو اقوام متحدہ کے لیے افغانستان کا سفیر نامزد کیا ہے، طالبان کا کہنا ہے کہ سابقہ حکومت کے ایلچی اسحق زئی اب ملک کے نمائندہ نہیں ہیں۔

پاک بحریہ قومی و بین الاقوامی سطح پر گالف کو فروغ دے رہی ہے ،کموڈور مسعود خورشید

کموڈور مسعود خورشید نے کہا ہے کہ پاک بحریہ قومی و بین الاقوامی سطح پر گالف کو فروغ دے رہی ہے۔

تفصیلات کے مطابق کموڈور مسعود خورشید نے کمانڈر فرخ نواز سری کے ہمراہ پریس کانفرنس  کرتے ہوئے کہا کہ 14ویں چیف آف نیول سٹاف امئچور گالف چیمپئین شپ 23سے 26 ستمبر مارگلہ گرین گالف کلب میں کھیلی جائیگی۔

کموڈور خورشید مسعود کا کہنا تھا کہ پاک بحریہ کے شوٹرز نے دوسری مرتبہ اولمپک کھیلوں کے لئے کوالیفائی کیا ہے ۔

ان کا کہنا تھا کہ پاکستان گالف فیڈریشن سے ملکر پاک بحریہ چیمپئین شپ کا انعقاد کرے گی ۔

کموڈور خورشید مسعود کا کہنا تھا کہ  چیمپئین شپ میں پورے پاکستان سے 300 سے زائد گالفرز کی شرکت متوقع ہے ۔

ان کا کہنا تھا کہ چیمپئین شپ کی مین کیٹیگری 54ہولز جبکہ خواتین اور سینئیر ایمچور 36 ہولز پر کھیلی جائیگی، جونیئرز امچورز کیٹگریز 18ہولز پر کھیلی جائیگی ۔

اس موقع پر کموڈور خورشید مسعود کا مزید کہنا تھا کہ ہول ان ون کیلیے ایک گاڑی بھی رکھی گئی ہے ۔

ہم افغانستان میں جنگ کے خاتمے کے بعد امریکہ کے ساتھ وسیع البنیاد تعلقات کے خواہاں ہیں، وزیر خارجہ

وزیر خارجہ مخدوم شاہ محمود قریشی نے کہا ہے کہ ہم افغانستان میں جنگ کے خاتمے کے بعد امریکہ کے ساتھ وسیع البنیاد تعلقات کے خواہاں ہیں۔

 وزیر خارجہ مخدوم شاہ محمود قریشی نے اقوام متحدہ جنرل اسمبلی کے 74 ویں اجلاس کے موقع پر نیویارک میں کونسل آن فارن ریلیشنز  سے خصوصی خطاب کیا، وزیر خارجہ نے اپنے خطاب میں پاک امریکہ تعلقات اور علاقائی سلامتی کے حوالے سے پاکستان کے متحرک اور فعال کردار پر روشنی ڈالی۔

مخدوم شاہ محمود قریشی نے کہا کہ مجھے یقین ہے کہ افغانستان کی ابھرتی ہوئی صورتحال سے سب آگاہ ہیں، میں اس صورتحال پر پاکستان کا نقطہ نظر آپ کے سامنے رکھوں گا، امریکہ کی جانب سے افغان مشن کی تکمیل کے بعد پاکستان امریکہ کے ساتھ مزید کثیرالجہتی اور وسیع البنیاد تعلقات کا خواہاں ہے۔

ان کا کہنا تھا کہ پاک امریکہ تعلقات کو جس حوالے سے جانا جاتا تھا پاکستان اس  “سابقہ روش سے باہر نکلنے” کا خواہاں ہے،  کے دہشتگرد  حملوں کے بعد پاکستان اور امریکہ نے مل کر دہشت گردی کے خلاف جنگ کی، ہم افغانستان میں جنگ کے خاتمے کے بعد، امریکہ کے ساتھ وسیع البنیاد تعلقات کے خواہاں ہیں، امریکہ کے ساتھ تعلقات، پاکستان کیلئے خصوصی اہمیت کے حامل ہیں، امریکہ سب سے بڑی ایکسپورٹ مارکیٹ کا درجہ رکھتی ہے۔

مخدوم شاہ محمود قریشی نے کہا کہ پاکستان کے ٹیلنٹڈ  نوجوان آج بھی تعلیم کی غرض سے امریکی تعلیمی اداروں کا رخ کرتے ہیں، امریکہ میں مقیم سیاسی طور پر متحرک پاکستانی کمیونٹی پاکستان اور امریکہ کے درمیان دو طرفہ تعلقات میں پُل کا کردار ادا کرتی ہے، پاکستان اقتصادی ترجیحی ایجنڈے پر عمل پیرا ہے۔

شاہ محمود قریشی کا کہنا تھا کہ ہم  پاک امریکہ تعلقات میں تجارت، سرمایہ کاری، اور عوامی سطح پر تعلقات کے حوالے سے نئے امکانات کے متلاشی ہیں، پاکستان 220 ملین افراد پر مشتمل ابھرتی ہوئی مارکیٹ ہے، پاکستان میں ٹیکنالوجی اور قابلِ تجدید توانائی میں سرمایہ کاری کے وسیع مواقع موجود ہیں جہاں امریکی کمپنیاں سرمایہ کاری کر سکتی ہیں، پاکستان نے گزشتہ 40 سال سے افغانستان میں جاری عدم استحکام کی بھاری قیمت ادا کی۔

وزیر خارجہ نے کہا کہ معاشی اعتبار سے مضبوط پاکستان خطے میں استحکام کا مظہر ہوگا، پاک افغان سرحد کے دونوں اطراف روزگار اور معاشی خوشحالی کے حصول اور افغان عوام کو اپنے ملک کی تعمیر میں مدد دینے کیلئے پاکستان، امریکہ کے ساتھ مل کر کام کرنے کا متمنی ہے، افغانستان کو تنہا چھوڑنے کی غلطی کو نہ دہراتے ہوئے عالمی برادری  افغانستان میں ایک جامع حکومت کے قیام کی ترغیب دے۔

مخدوم شاہ محمود قریشی کا کہنا تھا کہ افغانستان میں دہشت گرد گروہوں کو پنپنے سے روکنے کیلئے ایک مستحکم حکومت کا قیام ناگزیر ہے، طالبان کو بھی انسداد دہشت گردی، انسانی حقوق کے تحفظ اور سیاسی شمولیت سے متعلق اپنے وعدوں کی پاسداری کرنی چاہیے، عالمی برادری ممکنہ انسانی بحران سے نمٹنے کیلئے افغان عوام کی فوری مدد کو یقینی بنائے۔

انہوں نے کہا کہ وزیراعظم عمران خان نے منصب سنبھالنے کے فوراً بعد بھارت کو مذاکرات کی پیشکش کی، بھارت نے نہ صرف اس امن کی پیشکش کو ٹھکرایا بلکہ مقبوضہ جموں و کشمیر میں 5 اگست 2019 کو اپنے غیر قانونی اقدامات کے ذریعے پورے خطے کو غیر مستحکم بنا دیا لیکن اس کے باوجود بھارت کشمیریوں کی جدوجہد آزادی کو دبانے میں ناکام رہا۔

وزیر خارجہ کا کہنا تھا کہ سید علی شاہ گیلانی کے انتقال پر بھارت کی بوکھلاہٹ اور غیر انسانی روئیے نے ساری دنیا کے سامنے اسکی قلعی کھول دی، پاکستان مسئلہ کشمیر کے پرامن حل تلاش کرنے کے لیے پرعزم ہے لیکن یہ ذمہ داری بھارت پر ہے کہ وہ بامعنی اور نتیجہ خیز مذاکرات کے لیے سازگار ماحول پیدا کرے، ہمیں توقع ہے کہ عالمی برادری حق خود ارادیت اور آزادی کے نادر اصولوں کو کشمیر میں سیاست کی نذر نہیں ہونے دے گی۔

وزیر خارجہ مخدوم شاہ محمود قریشی نے شرکاء کی جانب سے پاک امریکہ تعلقات اور علاقائی صورتحال پر پوچھے گئے سوالات کے جوابات دیے اور پاکستان کا نقطہ نظر پیش کیا، اس تقریب میں معروف تجزیہ کاروں، تھنک ٹینک کمیونٹی کے ممبران کے علاوہ میڈیا نمائندگان کی کثیر تعداد نے شرکت کی۔

وزیراعظم کا دورہ نیوزی لینڈ اورانگلینڈ منسوخی میں بیرونی سازشوں کا پردہ چاک کرنے کا فیصلہ

   

زیراعظم عمران خان نیوزی لینڈ اور انگلینڈ کی ٹیموں کے دورہ پاکستان کی منسوخی کے معاملے پر سینئر وزرا سے مشاورت کریں گے۔ معاملے پر سینئر وزرا سے مشاورت کریں گے۔

وزیراعظم عمران خان نیوزی لینڈ اور انگلینڈ کی جانب سے پاکستان کا دورہ منسوخ کیے جانے کے بعد کل قومی ٹی ٹوئنٹی اسکواڈ سے ملاقات کریں گے جس میں چیئرمین پی سی بی رمیز راجہ سمیت سی ای او وسیم خان سمیت دیگر عہدیدار بھی موجود ہوں گے۔

دوسری جانب وزیراعظم عمران خان نے اس حوالے سے سینئر وزرا سے بھی مشاورت کرنے کا فیصلہ کیا ہے اور وزیراعظم نے حقائق دنیا کے سامنے لانے کی ہدایت بھی کردی، جعلی اکاؤنٹس سے ای میلز، فیک نیوز سمیت تمام حقائق سامنے لائیں جائیں گے۔

وزیراعظم کی جانب سے دونوں ٹیموں کے دوروں کی منسوخی میں بیرونی سازشوں کا پردہ چاک کرنے کا فیصلہ کیا گیا ہے اور اس حوالے سے وزیرداخلہ شیخ رشید اور وزیراطلاعات فواد چودھری کو حقائق سے آگاہ کرنے کی ہدایت کردی ہے۔ وزیر داخلہ شیخ رشید اور وزیر اطلاعات فواد چودھری جلد پریس کانفرنس کریں گے۔

اگلے انتخابات نئی مردم شماری اور الیکٹرانک ووٹنگ سے ہوں‌ گے: حکومت کا اعلان

اسلام آباد: حکومت نے اعلان کیا ہے کہ اگلے انتخابات نئی مردم شماری اور الیکٹرانک ووٹنگ کے ساتھ ہوں‌ گے۔

تفصیلات کے مطابق وفاقی وزیر اطلاعات فواد چوہدری نے کابینہ اجلاس کے بعد میڈیا بریفنگ میں کہا ساتویں مردم شماری میں نئی ٹیکنالوجی کا استعمال کیا جائے گا، اور اس کے لیے تمام مراحل 18 ماہ میں مکمل ہوں گے۔

فواد چوہدری نے کہا ساتویں مردم شماری کے منظوری کے مراحل چل رہے ہیں، اگلا الیکشن نئی حلقہ بندیوں اور نئی مردم شماری کے مطابق ہونا ہے، چھ ماہ اور سال میں الیکشن کی پیش گوئیاں کرنے والوں کو مایوسی ہوگی، اپوزیشن میں بونے ہی رہ گئے ہیں، کرسیاں نیچے آ گئی ہیں، ان کی سیاست صرف اپنے پیسے بچانے کے لیے ہو رہی ہے۔

وفاقی وزیر اطلاعات نے کہا کہ حکومت نے فیصلہ کر لیا ہے کہ اگلے انتخابات نئی مردم شماری اور الیکٹرانک ووٹنگ سے ہوگی۔

فواد چوہدری نے کہا کہ ہم سینماؤں کو کھولنے کی طرف جا رہے ہیں، کینیڈین، ترک اور ایرانی فلموں کو چلانے کی اجازت دے رہے ہیں۔

وزیر اطلاعاعت نے کہا کہ پولیو کے خلاف جنگ میں ہمیں بڑی کامیابی ملی ہے، پولیو ملک میں کم ترین سطح پر آ گیا ہے اور 7 ماہ میں ایک بھی پولیو کیس رپورٹ نہیں ہوا، جو خوش آئندہ ہے۔

انھوں نے کہا سرکاری ملازمین کے ہاؤس رینٹ میں 40 فی صد اضافہ کیا گیا ہے، وفاقی ملازمین کے لیے ہاؤس رینٹ الاؤنس کے لیے 44 فی صد اضافے کی منظوری دی گئی ہے۔

مقبوضہ کشمیر: ادھم پور میں بھارتی فوج کا ہیلی کاپٹر گر کر تباہ، 2 پائلٹ ہلاک

مقبوضہ جموں و کشمیر کے ضلع ادھم پور میں پتنی ٹاپ کے قریب بھارتی فوج کا ہیلی کاپٹر پہاڑوں پر گر کر تباہ ہوگیا جس کے نتیجے میں ہیلی کاپٹر میں سوار دونوں پائلٹ ہلاک ہوگئے۔

بھارتی نشریاتی ادارے این ڈی ٹی وی کی رپورٹ کے مطابق حکام نے بتایا کہ آرمی ایوی ایشن ہیلی کاپٹر کے گرنے سے پائلٹ شدید زخمی ہوئے۔

ان کا کہنا تھا کہ پائلٹس کو مقامی لوگوں نے نکال کر ہسپتال پہنچایا جہاں ڈاکٹروں نے انہیں مردہ قرار دے دیا۔

بھارت کے ایک اعلیٰ فوجی افسر نے بتایا کہ دونوں پائلٹ میجر رینک کے افسر تھے۔

ان کا کہنا تھا کہ ‘ہم نے انہیں ہسپتال منتقل کیا تاہم بدقسمتی سے دونوں اپنی جان سے ہاتھ دھو بیٹھے’۔

سوشل میڈیا پر شیئر کی گئی تصاویر میں تباہ شدہ ہیلی کاپٹر کو جنگل میں تباہ شدہ حالت میں دیکھا گیا جہاں مقامی لوگ پائلٹس کو باہر نکالنے کی کوشش کر رہے تھے۔

حکام کا کہنا تھا کہ یہ حادثہ صبح 10 بجکر 30 منٹ پر پیش آیا۔

واضح رہے کہ جموں و کشمیر میں گزشتہ 7 ہفتوں کے دوران یہ دوسرا فوجی ہیلی کاپٹر حادثہ ہے۔

گزشتہ مہینے فوجی ہیلی کاپٹر کے رنجیت ساگر ڈیم میں گرنے سے دو پائلٹ ہلاک ہو گئے تھے۔

اس میں سے ایک پائلٹ کی لاش ابھی تک نہیں مل سکی ہے۔