All posts by Muhammad Arslan

لاہور میں کرونا گلی گلی پھیل گیا

وزیراعلیٰ پنجاب عثمان بزدار کو بھیجی گئی سمری میں انکشاف کیا گیا ہے کہ لاہور میں کورونا وائرس خطرناک حد تک پھیل گیا ہے، کوئی بھی رہائشی علاقہ اور قصبہ وبا سے محفوظ نہیں ہے۔

سیکرٹری محکمہ صحت کیپٹن ریٹائرڈ عثمان کا کہنا ہے کہ محکمہ صحت کی جانب سے 15 مئی کو وزیراعلیٰ پنجاب کو لاہور میں کورونا وائرس کے کیسز کی صورت حال کے حوالے سے سمری ارسال کی گئی۔

وزیر اعلیٰ پنجاب کو بھیجی گئی سمری میں بتایا گیا کہ کورونا ہاٹ اسپاٹ، رہائشی اور کام کی جگہوں سے سیمپل لیے گئے، عمومی طور پر لیے گئے سیمپلز میں 5 اعشاریہ 18 اور اسمارٹ سیمپلنگ میں 6 اعشاریہ 01 فیصد ٹیسٹ مثبت آئے۔

سمری میں انکشاف کیا گیا کہ تمام سیمپلز میں 6 فیصد کا ٹیسٹ پازیٹیو رہا،بعض ٹاؤن میں 7 اعشاریہ 14 فیصد رہا۔

محکمہ صحت کی جانب سے وزیراعلیٰ پنجاب کو بھیجی گئی سمری میں لاہور میں کورونا کے اصل نئے مریضوں کا اندازہ 6 لاکھ 70 ہزار لگایا گیا ہے۔

سمری میں انکشاف کیا گیا کہ یہ تناسب لاہور میں خطرناک حد تک دکھائی دیتا ہے، کوئی بھی رہائشی علاقہ یا قصبہ نہیں، جہاں یہ بیماری نہ ہو۔

محکمہ صحت کے ٹیکنیکل ورکنگ گروپ نے لاہور میں 4 ہفتوں کے مکمل لاک ڈاون کی سفارش کی ہے، سفارش کی گئی ہے کہ 50 سال سے اوپر کے لوگوں کو قرنطینہ میں یا علیحدہ رکھا جائے اور لوگوں کا گھروں میں رہنا لازمی قرار دیا جائے۔

کیپٹن ریٹائرڈ عثمان کا کہنا ہے کہ ماہرین پر مشتمل افراد کی جانب سے سفارشات بھیجی گئی تھیں۔

سمری میں کہا گیا ہے کہ ٹیکنیکل ورکنگ گروپ کی سفارشات پر دوسرے محکموں سے بھی رائے لی جائے۔

سیکرٹری صحت نے کہا کہ سفارشات سے پہلے باقاعدہ ٹیسٹ کرنے کی پوری مشق کی گئی، پچھلے دنوں میں مرض کی شدت بڑھنے کے بعد نئے مریضوں کا اندازہ لگانا مشکل تھا۔

نوجوان جبران کا سفاکانہ قتل ، ماہرہ خان نے بڑا مطالبہ کردیا

کراچی (ویب ڈیسک): معروف اداکارہ ماہرہ خان نے مقتول نوجوان جبران کے حق میں آواز اٹھا دی اور حکومت سے مطالبہ کیا کہ جبران کو انصاف دلوا کر مثال قائم کی جائے۔

تفصیلات کے مطابق کوئٹہ میں ہجوم کے ہاتھوں نوجوان کے قتل کے واقعے پر اداکارہ ماہرہ خان مقتول نوجوان جبران کے حق میں میدان میں آگئی، سماجی رابطے کی ویب سائٹ ٹوئٹر پر اپنے پیغام میں لکھا کہ جبران کو انصاف دلوا کر مثال قائم کی جائے، جو لوگ سمجھتے ہیں وہ کچھ بھی کرکےفرار ہوسکتے ہیں،ان کونہ جانے دیں، کتنی آنکھیں سوئیں گی، کتنے چہرے مر جائیں گے؟ ہر سوال کا جواب احتساب ،بس احتساب

اداکارہ نے اپنی پوسٹ میں ’جسٹس فار جبران‘ ہیش ٹیگ لکھتے ہوئے وزیر اعظم عمران خان اور شیریں مزاری کو ٹیگ کیا ہے۔

یاد رہے کہ چند روز قبل کوئٹہ میں دوست نے معمولی تنازع پر اپنے دوست محمد جبران خان کو خنجر کے وار کر کے اس کی جان لے لی اوراس کے بعد فرار ہوگیا

سیاہ فام کا قتل، امریکا میں اسی نوعیت کا ایک اور واقعہ

واشنگٹن: امریکا میں سیاہ فام کے قتل کے طرز کا ایک اور واقعہ پیش آیا خوش قسمتی سے شہری کی جان بچ گئی۔

غیرملکی خبررساں ادارے کی رپورٹ کے مطابق امریکی ریاست واشنگٹن میں پولیس اہلکار نے شہری کو دبوچ کر اپنا گھٹنا مذکورہ شخص کی گردن پر رکھا تاہم دیگر اہلکاروں نے بچا لیا۔

رپورٹ کے مطابق مذکورہ شخص مظاہرین میں شامل ہوکر سیاہ فام کے قتل کے خلاف احتجاج کررہا تھا اس دوران اس نے دیگر افراد کے ساتھ مل کر ایک موبائل اسٹور کو بھی لوٹا جس کے بعد پولیس جائے وقوعہ پر پہنچ گئی

                                                                                               امریکی سیاہ فام کا قاتل کہاں ہے؟

پولیس نے اسٹور لوٹنے والے کئی افراد کو گرفتار کیا جن میں مذکورہ فرد بھی شامل تھا لیکن جس طرح سیاہ فام کی گردن پر گھٹنا رکھ کر مارا گیا اس طرح کے دوبارہ اقدام کو سوشل میڈیا صارفین شدید تنقید کا نشانہ بنارہے ہیں۔

صارفین کا کہنا ہے کہ جس طرح ’جیورج فلوئڈ‘ کی جان گئی اس طرح مذکورہ جونوان کی بھی موت ہوسکتی تھی۔ خیال رہے کہ واقعے کے دوران جائے وقوعہ پر دیگر شہریوں نے بھی پولیس کے خلاف آواز بلند کی۔

عینی شاہدین کے مطابق پولیس نے جب نوجوان کی گردن پر گھٹنا رکھا تو وہ مدد کے لیے پکار رہا تھا۔

ٹک ٹاک کے مقابلے پر لانچ کی گی متروں ایپ پاکستانی نکلی

متروں ایپ ، جو مقامی اور انٹی ٹِک ٹاک داستانیں دونوں کے لئے آوازیں ڈھونڈنے کی کوشش کر رہی ہے ، ایسا لگتا ہے کہ ایسا کسی بھی آئی ٹی کے طالب علم نے نہیں کیا تھا۔ نیوز 18 کو معلوم ہوا ہے کہ مائٹرن ایپ کا پورا ماخذ کوڈ ، بشمول اس کی خصوصیات کا مکمل سیٹ اور صارف انٹرفیس ، پاکستانی سافٹ ویئر ڈویلپر کمپنی کیو بکس سے خریدا گیا ہے۔ کیو بکس کے بانی اور چیف ایگزیکٹو عرفان شیخ کے مطابق ، ان کی کمپنی نے اپنے ایپ کا ماخذ کوڈ Mitron کے پروموٹر کو $28 میں فروخت کیا۔
متروں ایپ ، جو مقامی اور انٹی ٹِک ٹِک داستانیں دونوں کے لئے آوازیں ڈھونڈنے کی کوشش کر رہی ہے ، ایسا لگتا ہے کہ ایسا کسی بھی آئی ٹی کے طالب علم نے نہیں کیا تھا۔ نیوز 18 کو معلوم ہوا ہے کہ مائٹرن ایپ کا پورا ماخذ کوڈ ، بشمول اس کی خصوصیات کا مکمل سیٹ اور صارف انٹرفیس ، پاکستانی سافٹ ویئر ڈویلپر کمپنی کیو بکس سے خریدا گیا ہے۔ کیو بکس کے بانی اور چیف ایگزیکٹو عرفان شیخ کے مطابق ، ان کی کمپنی نے اپنے ایپ کا ماخذ کوڈ Mitron کے پروموٹر کو $28 میں فروخت کیا۔

وفاقی وزیر قانون بیرسٹرو فروغ نسیم وزارت سے مستعفی ہو گئے۔

ذرائع کے مطابق وفاقی وزیر قانون فروغ نسیم نے وزارت سے استعفیٰ دے دیا ہے اور اب وہ سپریم کورٹ میں وفاق کی نمائندگی کریں گے۔

ذرائع کا کہنا ہے کہ فروغ نسیم سپریم کورٹ میں جسٹس قاضی فائز عیسیٰ سے متعلق کیس میں وفاق کی نمائندگی کریں گے۔

یاد رہے کہ اس سے قبل فروغ نسیم نے 26 نومبر کو اپنے عہدے سے استعفیٰ دیا تھا تاکہ وہ سپریم کورٹ میں آرمی چیف کی مدت ملازمت میں توسیع سے متعلق کیس میں جنرل قمر جاوید باجوہ کی پیروی کر سکیں۔

مستعفی ہونے کے بعد بیرسٹر فروغ نسیم آرمی چیف کی مدت ملازمت میں توسیع سے متعلق کیس میں جنرل قمر جاوید باجوہ کی طرف سے سپریم کورٹ میں پیش ہوئے اور مقدمے کی پیروی کی۔

بعدازاں حکومت نے سینیٹر فروغ نسیم کو دوبارہ وفاقی وزیر قانون کا عہدہ سونپ دیا  تھا۔

تاہم اب فروغ نسیم  ایک بار پھر  جسٹس فائز عیسیٰ کیس کے لیے عہدے سے فارغ ہوگئے ہیں۔

روٹی نہ پکانے پر شوہر کا بیوی پر تشدد، سالوں نے بہنوئی کو قتل کر دیا

میاں چنوں میں روٹی نہ پکانے پر شوہر نے بیو ی پر تشددکر دیا جس کی اطلا ع ملنے پر خاتون کے بھائی گھرپہنچ گئے اور  بہنوئی پر اس قدر تشدد کیا کہ وہ جاں بحق ہو گیا۔

پولیس کے مطابق میاں چنوں کے علاقے منشاء موڑ میں روٹی پکانے سے انکار پر عبدالقیوم نے اپنی بیوی پر تشدد کیا اور  انہیں شدید زخمی کر دیا۔

اس بات کی اطلاع ملنے پر خاتون کے 2 بھائی اور دیگر ورثاء گھر پہنچ گئے اور بہنوئی کو ڈنڈوں سے مارنا شروع کر دیا۔

پولیس کے مطابق شدید تشدد کی وجہ سے بہنوئی موقع پر ہی جاں بحق ہوگیا جب کہ ملزمان فرار ہوگئے۔

پولیس کاکہنا ہےکہ واقعے کی مزید تحقیقات کے بعد مقدمہ درج کیا جائے گا۔

چین نے بھاری ہتھیار اور لڑاکا طیارے بھارتی سرحد پر پہنچا دہی

چینی اور بھارتی فوجیوں میں لڑائی،زخمی بھارتی فوجیوں کی تصاویر سوشل میڈیا پر وائرل ہو گئیں

چین (ویب ڈیسک) چین نے بھاری ہتھیار اور لڑاکا طیارے لداخ میں بھرتی سرحد کے قریب پہنچا دیے ہیں۔چینی اور بھارتی فوج میں ایک بار پھر دوبدو جھڑپ ہوئی۔چینی فوج سے مار کھانے والے بھارتی فوجیوں کی تصاویر بھی سامنے آئی ہیں جو سوشل میڈیا پر وائرل ہو گئی ہیں۔سویڈن میں جنگی امور کے ماہراشوق سیوین نے اپنی ہی مودی سرکار کو آئینہ دکھایا۔بھارتی پروفیسر نے بھی زخمی بھارتی فوجیوں کی تصویریں شیئر کی اور کہا کہ بھارتی فوجیوں کی پٹائی پر مودی خاموش کیوں ہے۔اشوک نے سوال اٹھاتے ہوئے کہا کہ بھارتی میڈیا اس پر سرجیکل سٹرائیک کا مطالبہ کیوں نہیں کر رہا۔موہن بھگت کی آر ایس آرمی کہاں ہے؟۔ لداخ اور سکم سمیت لائن آف ایکچوئل کنٹرول پر عسکری سرگرمیوں میں اضافہ ہوگیا۔

چینی فوج نے لداخ کے ؤ مشرقی علاقے میں بھاری ہتھیار سرحد پر پہنچا دیے ہیں۔

چینی فضائیہ نے بھی لداخ کے قریب اپنے ایئر بس میں توسیع کردی اور لڑاکا طیارے وہاں واضح رہے کہ لداخ میں غیر قانونی تعمیرات پربھارت کو لینے کے دینے پڑ گئے ہیں، چین نے کشمیر کے علاقے اکسائے چن پر بھی فوجی قوت بڑھا دی۔بھارتی میڈیا کے مطابق لداخ میں صورتحال بدستور کشیدہ ہے، چین لداخ میں متنازع سڑک پر پل کی تعمیر روکنا چاہتا ہے، چین نے ائیرپورٹ پر ملٹری قوت میں اضافہ کر لیا۔لداخ میں بھارتی فوجیوں کی تعداد میں بھی اضافہ کر دیا گیا، گولوان وادی کے تین پوائنٹس اور پینگانگ جھیل پر بھارتی اور چینی فوجی آمنے سامنے ہیں۔ لداخ کے علاقے میں بھارت اور چین تنازع شروع ہوئے ایک ہفتے سے زائد وقت گزر چکا ہے، بھارت نے اپنے توسیع پسندانہ غیر قانونی مقاصد پورے کرنے کیلئے پہلے نیپال کے ساتھ سرحدی تنازع شروع کیا تاہم جب چین کے ساتھ جھڑپیں شروع کیں تو بھارت کو بھرپور جواب ملا جس پر بھارتی فوجیں پسپائی پر مجبور ہوئیں۔پہنچا دیے ہیں۔

معروف بالی وڈ شخصیت واجد خان کورونا کا شکار ہو کر انتقال کر گئے

میوزک کمپوزر واجد خان کا انتقال 42 سال کی عمر میں ہوا،بالی وڈ شوبز انڈسٹری سوگوار ہو گئی

نئی دہلی (ویب ڈیسک) بالی وڈ کے معروف میوزک کمپوزر واجد خان کورونا وائرس کا شکار ہو کر انتقال کر گئے ہیں۔تفصیلات کے مطابق بالی ووڈ کی مقبول موسیقار جوڑی ساجد واجد کے رکن واجد علی خان بمبئی میں انتقال کرگئے ہیں۔بھارتی میڈیا کے مطابق بالی وڈ کے میوزک کمپوزر واجد علی خان طویل عرصے سے گردے کے مرض میں بھی مبتلا تھے۔واجد خان کے انتقال کی تصدیق میوزک کمپوزر سلیم مرچنٹ نے بھی کی۔اور کہاں کی کچھ دنوں سے وہ اسپتال میں زیر علاج تھے جہاں ان کی طبیعت زیادہ بھی پڑ گئی۔انہوں نے مزید کہا کہ واجد کی طبیعت زیادہ خراب ہونے کی وجہ سے پچھلے چار دنوں سے وہ وینٹی لیٹر پر تھے۔واجد خان معروف طبلہ نواز استاد شرافت علی خان کے بیٹے تھے جبکہ واجد خان اور ان کے بھائی ساجد خان کا میوزک گروپ ساجد واجد کے نام سے مشہور تھا۔

میوزک کمپوزر واجد خان نے سلمان خان پر فلمائے گئے دو گانوں کی موسیقی بھی ترتیب دی تھی جبکہ انھوں نے سلمان خان کے ساتھ فلم دبنگ، ایک تھا ٹائیگر اور ایکٹ میں کام بھی کیا تھا۔واجد خان کے انتقال پر بالی وڈ انڈسٹری سوگ میں ڈوب گئی ہے۔کئی فلمسٹارز نے واجد خان کے انتقال پر افسوس کا اظہار کیا ہے۔اداکارہ پرنتی چوپڑا نے انہیں بہترین شخص قرار دیتے ہوئے کہا کہ وہ ہمیشہ یاد رہیں گے۔

عراق، دہشت گردی کا بڑا منصوبہ ناکام، متعدد دہشتگرد گرفتار

بغداد (ویب ڈیسک) عراق کی وزارت داخلہ میں انسداد دہشتگردی کے مرکز کے ڈائریکٹر نے کہا کہ بصرہ میں داعش سے وابستہ ایک دہشتگرد گروہ کے کئی دہشتگردوں کو گرفتار کیا گیا ہے۔

سومریہ نیوز کی رپورٹ کے مطابق عراق کی وزارت داخلہ میں انسداد دہشتگردی کے مرکز کے ڈائریکٹر ابوعلی البصری کا کہنا ہے کہ عراق کی رضا کار فورس الحشد الشعبی اور فوج کے خلاف بصرہ میں ایک بڑی کارروائی کی منصوبہ بندی کرنے والے اس گروہ کے کئی دہشتگردوں کو گرفتار کر لیا گیا ہے۔عراقی فوج اور رضاکار فورس الشحد الشعبی نے ملک کے مختلف علاقوں کو دہشتگردوں کے وجود سے پاک کرنے کے لئے اب تک مختلف کارروائیاں انجام دی ہیں جن کا سلسلہ بدستور جاری ہے۔

تھیٹر کھولو تھیٹر کھولو فنکاروں نے شور مچا دیا

کہا سے کھائیں بچوں کا پیٹ کسے پالیں گلوکاروں کی پکار

لاہور (ویب ڈیسک) تھیٹر کھولو تھیٹر کھولو فنکاروں نے شور مچا دیا،کہا سے کھائیں بچوں کا پیٹ کسے پالیں گلوکاروں کی پکار۔

تفصیلات کے مطابق کورونا وائرس اورلاک ڈاؤن کی وجہ سے موجودہ صورتحال نے شوبز فنکاروں کو کنگال کر دیا ہے، آخر فنکاروں نے آپس میں اکٹھ کرکے حکومت سے تھیٹر کھولنے کی اپیل کی ہے ،فنکاروں کا کہنا ہے کہ ہمیں کچھ مناسب وقت میں احتیاطی تدا بیر کے ساتھ تھیٹر کولنے کی اجازت دی جائے تاکہ ہمارا روزگار شروع ہو جائے،اس کے علوہ گلوکار بھی تڑپ رہے ہیں ان کا کہنا ہے کہ ہم کہا سے کھائیں بچوں کا پیٹ کسے پالیں،ان کا کہنا ہے کہ ہمیں بھی احتیاطی تدا بیر کے ساتھ اکیڈمیز کھولنے اور کوئی مناسب وقت میں شو وغیرہ کرنے کی اجازت دی جائے ۔

ریلوے نے مزید 10 مسافر ٹرینیں بحال کردیں

لاہور: پاکستان ریلوے نے مزید 10 مسافر ٹرینیں بحال کردیں۔

وزیر ریلوے شیخ رشید نے کہا کہ مزید 10 مسافر ٹرینیں بحال کرنے سے  142 مسافر ٹرینوں میں سے 40 چل پڑی ہیں۔

وزیر ریلوے کا کہنا تھا کہ ٹرینوں میں تمام حفاظتی انتظامات کیے گئے ہیں،  اسٹیشن کی حدود میں صرف مسافروں کو آنے کی اجازت ہے۔

انہوں نےکہا کہ وزیر اعظم کی اجازت کے بعد چند روز میں مزید ٹرینیں چلائیں گے۔

واضح رہےکہ کورونا وائرس کے باعث ملک میں نافذ لاک ڈاؤن میں نرمی کے بعد ریلوے نے 28 مئی سے محدود پیمانے پر ٹرین آپریشن شروع کیا تھا جس کے بعد وزیر ریلوے نے یکم جون سے مزید ٹرینیں چلانے کا اعلان کیا۔

حکومت نے پٹرول، مٹی کے تیل اور لائٹ ڈیزل آئل کی قیمتوں میں مزید کمی کر دی ہے ، اب جنوبی ایشیا کے دیگر ممالک کے مقابلے میں پاکستان میں تیل کی قیمتیں سب سے کم ہیں،وزیراعظم عمران خان

اسلام آباد ۔ 31 مئی ( ویب ڈیسک) وزیراعظم عمران خان نے کہا ہے کہ حکومت نے پٹرول، مٹی کے تیل اور لائٹ ڈیزل آئل کی قیمتوں میں مزید کمی کر دی ہے اور اب جنوبی ایشیا کے دیگر ممالک کے مقابلے میں پاکستان میں تیل کی قیمتیں سب سے کم ہیں۔

اتوار کو سماجی رابطے کی ویب سائٹ ٹوئٹر پر ایک ٹویٹ میں وزیراعظم نے کہا کہ بھارت میں تیل کی قیمتیں پاکستان کے مقابلے میں تقریبا دگنا ہیں جبکہ بنگلہ دیش، سری لنکا اور نیپال میں تیل کی قیمتیں پاکستان کے مقابلے میں 50 سے 75 فیصد زیادہ ہیں۔