لاہورکی فارماسیوٹیکل کمپنی کے بنائے ہوئے کھانسی کے سیرپ میں نقصان دہ اجزاء کا انکشاف ہوا ہے۔
مالدیپ حکومت اور ڈبلیو ایچ او نے لاہور کی کمپنی کے بنائے کھانسی کے سیرپ پر الرٹ جاری کر دیا، لاہورکی کمپنی کے کھانسی کے سیرپ میں نقصان دہ ڈائی ایتھلین گلائکول اور ایتھلین گلائکول نامی کثافتیں پائی گئی ہیں۔
ڈرگ ریگولیٹری اتھارٹی (ڈریپ) نے بھی کارروائی کرتے ہوئے کھانسی کے سیرپ کے مختلف بیچ مارکیٹ سے اٹھانے کی ہدایت کردی ہے۔
اس کمپنی کا سیرپ مالدیپ اور فجی سمیت چار ممالک کو برآمد کیا گیا جب کہ یہ سیرپ پاکستان میں بھی سپلائی کیا گیا ہے۔
واضح رہے اس سے پہلے بھارتی کف سیرپس میں موجود انہی کثافتوں سے کئی بچوں کی اموات ہو چکی ہیں۔
